Bilboko gotzainak Gabon-agurra bialdu dau Eleizbarrutira keinu-hizkuntzan, ezintasunen bat daben pertsonakaz batera. Joan dan abenduaren 3an, Desgaitasunaren Nazinoarteko Egunez, Bilboko katedralean grabatu zan mezuan, CECOko (Ermandade Kristau Kontinentala
Gabonetarako nahia
On Joseba Segura gotzainak urte barrirako nahia azaldu dau: “danok fedean bat eginda, gizarte zuzen eta inklusiboagorantz jo daigula”.
Itsuak
Marian Caselles CECOko kideak, hauxe eskatu dau: “bihotzaren begiez begiratzen ikasi daigula”. Gotzainak, bere aldetik, zera gehitu dau: “Belen ezustekoz betetak kutxa da, miraririk handiena hemen dalako. Kristo jaio egiten da eta Berarengan oinazetan dan gizadiaren asmo zuzenek babes eta zentzuna aurkitzen dabe”.
Gorrak eta gor-itsuak
Manoli Ortega eta Javier C. Rodriguez gorrei eta gor-itsuei zuzendutako pastoraltzako kideek bideoan parte hartzen dabe eta keinu-hizkuntzaz baliatuz, “inklusinoa eraikitzea” aldarrikatzen dabe.
FRATER
Julio del Olmo eta Iñaki Blanco FRATER alkarteko kideek “sinodo-seneko bideak zabaltzeak” dauan garrantzia nabarmentzen dabe bideoan.
Bideoaren amaieran, ezintasunen bat izanda, joan dan abenduaren 3an ospakizunean parte hartu eben pertsonen zorion-agurra agertzen da.
Gabon zoriontsuak!
