Bertaratutakoen galderei erantzuna emon aurretik, baieztapen sendoa egin dau: “kristau alkartea gizarte integratuaren jardunbidean laguntzen saiatuko da, baina ez da ez menderatzaile ez arautzaile izango”. Honen haritik azaldu dauanez, kristau alkarte barria, “txikiagoa izango da, zerbitzuzko bokazino argiagaz, bidean aurrera egingo dau sekula bakarrik edo zabu-zabuka ez doala sinisten dauanaren fede eta itxaropenak sustatuta”
Ekonomia eta pastoral datuak
On Joseba Segura gotzainak, berbaldiaren hasieran, ekonomia eta pastoral jardueraren inguruko zenbakiak emon ditu. Eleizbarrutiaren jardun nagusia mezak eta sakramentuak ospatzea daneko uste orokorra desegin egin dau: “Eleizbarrutiak urterako dauan aurrekontutik -134 miloe-, bakarrik 11 miloe (%8,2) dira parrokia jarduerarako. Beste hainbat gairen inguruan be jardun dau: heziketa, gizarte ekintza, eraikinak “291 parrokia eta euren tenpluak, 345 ermita, beste sasoi baten lekuko”, abade-kopurua eta laikotza, “batez be emakumeak”, pastoralgintzan eta boluntario lanean aritzen diranak.
📌Gotzainak datu estadistikoak emoten dauz berbaldiaren hasieran. Etorkizunari begira zer?
— Bilboko Elizbarrutia (@DiocesisBilbao) October 25, 2024
📌El obispo de Bilbao ofrece algunos datos en torno a la Diócesis de Bilbao. ¿Cuál es el futuro de nuestra Iglesia? Pregunta a la que responderá a lo largo de su intervención. pic.twitter.com/ffrVy5RNiN
🗨️Joseba Segura indica que la #Iglesia católica ha estado centrada en el trabajo vocacional de los sacerdotes
— New Economy Forum (@NewEconomyForum) October 25, 2024
🗨️”Ahora hay mas protagonismo de los laicas y laicos en las diferentes responsabilidades de gestión”
💻Síguelo en directo👇https://t.co/qq37fT0D9v pic.twitter.com/ClRIIEdsmj
Eleizaren finantzaketa
BIlboko gotzainaren esanetan, pastoralgintzako eta misinoetako jarduera gehienak Eleizaren beraren bitartekoakaz burutzen dira, “autofinantzaketa %87koa” da-eta.
PFEZren bidez jasoten dan diruari dagokionez, %22 da. Mezu argia itzi dau jentearen dohainen inguruan: “Estatuko ogasunak %80 itzultzen dau 250 eurora arte. Hemen, gehienezko itzultzea zerga-oinarriaren %35ekoa da”.
Fedearen balio pertsonal eta soziala
Bere esanetan, fedea, “funtsezko galderei erantzunak emonez, pertsonen bizitza eratzen dauan mundu-ikuskera da”. Alderdi sozialari dagokionez, zera nabarmendu dau: “gizarte kohesinoari eusten deutsan eta kanpoko eta barruko alkarte egiturak sendotzen dituan indarra da”.
📌Fedearen dimentsino sozialaren inguruan. #etorkizunaribegira
— Bilboko Elizbarrutia (@DiocesisBilbao) October 25, 2024
📌Sobre la dimensión social de la fe. La creencia religiosa está correlacionada con el sostenimiento de la comunidad. pic.twitter.com/fn4CRnZKxH
Ohiko fedeari lekua kendu deutse
Gotzainak ohiko fedearen inguruan be gogoeta egin dau, “beste fede batzuk” lekua kendu deutsela esanez. Bere ustez, hiru dira gaurko gizartean agertzen diran aukerak: “zientzia eta bere ‘produktu izarra’, teknologia, zoriontasuna eta ongizatea lotzen dituan aukera eta ‘ni bakar, handi eta askea'”. Kontu honen inguruan, bere esanetan, nabarmena da, “bizitza on eta baliotsuari buruzko ikuspuntuen zatiketa”.
🗨️Para Joseba Segura la #secularización no es que desaparezcan la creencias o las fes
— New Economy Forum (@NewEconomyForum) October 25, 2024
👤”La fe tradicional religiosa se sustituye por otras fes que gozan de buena salud”
💻Síguelo en directo👇https://t.co/qq37fT0D9v pic.twitter.com/9QDRTGNU21
Europa, Eleiza eta kontinente periferikoa
Munduko kristau-kopuruari buruzko datu orokorrak –“gorako joerari eusten jako, Europan katolikotasunaren ahultzea nabarmena bada be”- emon ondoren, europar erakundeek Ukrainako gerran egiten diharduena aztertu eban. Bere ustez, “bere burua nagusitzat” dauan Europak ez dau entzuten eta “harro” agertzen da. Izan be, “Ukrainian egindako probak huts egin dau” eta orain gerra negargarrian sartuta dago eta horrek, askoren uztez, “mendebaldearen nagusitasunaren gainbehera eta ordena multipolar barriaren sorrera” agertzen dau.
📌Gotzaina Europa zaharraren inguruan. Europa periferian dago.
— Bilboko Elizbarrutia (@DiocesisBilbao) October 25, 2024
📌El papel de Europa en el mundo pic.twitter.com/cOZ27MMMoF
Erronkak
“Txikiagotze-prozesua iraganaren mira barik onartu, Eleiza txikiagoa baina sendoagoa eta nortasun handiagokoa eraikiz”, horixe da gotzainak atara dauan ondorioetako bat.
Galderen tartean, hainbat kontruren inguruko erantzunako emon ditu: gehiegikeriak, gotzain laguntzailea, Beloradoko monjak, abuztuaren 15eko homiliaren oihartzunak…
Berbaldia osorik:
