“Kartzelan be hutsik egiten ez dauan itxaropena” gaiaren inguruan jardun dau Florencio Rosello Iruña eta Tuterako artzapezpiku eta Pastoraltzarako Gotzainen Batzarreko gotzain arduradunak.
Gaurko egunez, Francisco J. Romero Fede-zabalkunde, Katekesi eta Katekumenotzarako Gotzain Batzordeko idazkaritzako zuzendariak gai bi izango ditu mintzagai: “2025eko Jubileua: Itxaropenaren Jubileua” eta “Jubileua gure kartzeletan lantzeko proposamenak”.
Jaume Alemany Kartzela Pastoraltzarako Mallorcako Eleizbarrutiko kideak, “Itxaropenezko esperientzia: Kartzela Pastoraltzarako Mallorcako alkartea”. Eleizbarruti bereko Esteve Sernak “Rescaled” kartzela paradigmaren eraldaketarako -espetxe erraldoietatik atxiloketa-etxeetara- mobimentua aurkeztuko dau.
Proposamenak
Mª Carmen Nieto Espainiako Caritasen kartzelan dagozan pertsonei zuzendutako egitarauen arduradunak, bere egitasmoa ezagutzera emoteaz batera, kartzelan dagozan pertsonakaz jarduteko proposamenak eskainiko ditu.
Jardunaldiei amaiera emoteko, Fernando Gimenez Barriocanal Ekonomia-gaietarako EGBeko idazkariordeak jardungo dau, “Kartzeletan arreta erlijiosoa eskaintzeko Eleiza-Estatua hitzarmenen ekonomia-egoeraren txostena eta Eleizbarrutien artean banatzeko diru-kopurua”, aurkeztuz.
