Datorren domekaz, apirilak 6, Garizumako bosgarren eta azken domeka ospatuko da, apirilaren 13a, Erramu-domeka da-eta. Orduan, Aste Santua hasiko da.
Aste honetan, Garizuma-aldirako aurreikusitako jarduerei jarraipena emongo jake lurraldeetan. Txorierri Pastoral Barrutian, esate baterako, Estrella Moreno Eleizbarrutiko Teologia eta Pastoraltza Institutuko zuzendariak gidatutako erretiroa ospatuko da bihar -apirilak 3-, arratsaldeko zazpietatik aurrera, San Isidro parrokian.
Jose Eizaguirre Fede-zabalkunde eta Katekesirako lurraldeko arduradunak erretiroa gidatuko dau Areeta-Romo Pastoral Barrutian, “ikasle izatearen’ inguruan, apirilaren 5ean, zapatuz, 10:00etatik 13:30etara, Areetako Santa Ana parrokian. Apirilaren 6an, domekaz, Ars Canticum koralak kontzertua eskainiko dau Mesedetako Ama parrokian, 19:45etan.
Gaur, apirilak 2, otoitzaldia ospatuko da Suesako (Kantabria) monja hirukoiztarrakaz Gobela-Galea Pastoral Barrutian, arratsaldeko 19:30etatik aurrera, Hirutasun Guztiz Santua parrokiako areto nagusian. Egitarauari amaiera emoteko, apirilaren 9an, Carlos Bargos Bilboko eleizbarrutiko idazkari nagusiak gogoeta egingo dau, “bihotz-barritu, begiradaz aldatu” gaiaren inguruan.
Mavi Laiseca Caritas Bizkaia erakundeko koordinatzaileak pertsonen arteko loturen eta ingurumenagazko hartu-emonaren inguruko gogoeta eskainiko dau Gernikaldea Pastoral Barrutian, hain zuzen be, apirilaren 10ean, arratsaldeko 19:00etan, San Bartolome parrokian.
Garizumako azken domeka
Egitasmoaren sustapenerako taldeak domeka honetarako proposatutako lagungarriek alkarteari, eleizari buruz gogoeta egitera garoez.
