Frantzisko aita santuak “Itxaropenean erromes” goiburuagaz deitutako Jubileu Urtea 2025 ospatzen dihardugu. Itxaropena da, hain zuzen be, Artxandape PBak antolatutako ekitaldietan landuko dan gai nagusia. Bihar izango da lehenengo berbaldia Imanol Zuberoren eskutik (laikoa, EHUko soziologia-irakaslea), goiburu honi lotuta: “Bildurrak batera jarri, itxaropena landu”.
“Kristau itxaropena, bildur apokaliptikoaren antidotoa” goiburuaren haritik jardungo dau Fco. Javier Vitoriak (teologoa eta eleizbarrutiko abadea) hilaren 25ean.
Mavi Laisecak (laikoa, Caritas Bizkaia erakundeko koordinatzaile nagusia) emongo deutso amaiera aurtengo zikloari, “Ekin: itxaropena, gaur egun gauzatu eta bizi” berbaldiagaz.
Apirilaren 8an, otoitzaldia egingo da 20:00etan, Salbatore parrokian.
