Muskizen izango da eskauten jai handia

Astegoien honetan milazak lagun batuko da Muskizen eskauten jai handia ospatzeko. Beste behin eskultismoaren esanahia eta konpromisoa alkarbanatuko dabe. 22 urte igaro dira Muskizen Gorka deuna ospatu zanetik. Domeka honetan 2.500 lagun baino gehiago itxaroten dira.

Aurton, Muskizen `Eskubideak eman, haurren bidea egin´ lelopean umeen eskubideen aldeko aldarrikapena egingo dabe eskautek. Hainbat ekitaldi izango da astegoienean zehar.

Trebeak, 16 eta 18 urte bitarteko gazteak zapatuan batuko dira. Gymkama bat egingo dabe herritik zehar hausnartuko dan gaiaren inguruan.

Zapatua lan eguna izango da batzordearentzat. Domekan, prest itxiko dabe 2.500 lagunentzako tokia.

Domekako jardunaldia

Ekintza nagusia San Juan plazan egingo da. Bertan adin ugaritako lagunak batuko dira goizeko 10 ta erdietatik aurrera. Ordu batetan meza nagusia ospatuko da Kerman Lopez bikario nagusia buru dala. Ospakizunean Sergio Buiza lurralde bikarioa eta eskautetako kontsiliarioa Alex Andreu be izango dira.

Egunean zehar, antolatzaileek txosna bat jarriko dabe. Pakemba taldearen erromeriagaz amaituko da Bizkaiko 30 taldeen arteko jaia.