Ortuellako San Felix ikastetxean ospatu zan atzo STEAM Azoka. On Joseba Segura Bilboko gotzainak emon eutsan hasiera ekitaldiari, ikasleei esanez: “artista batzuk zarie”.
Steam azokan batutako gazteak artistak dirala dino Bilboko gotzainak. Ortuellako @SanFelix_Ikast ikastolan @Ikastetxeak zentroetako ikasleen lanak ikusgai @DiocesisBilbao pic.twitter.com/n7urSrTfVW
— Bizkaia Irratia (@BizkaiaIrratia) January 18, 2024
Ikasgelan egitasmo teknologikoak eratzeko bidea be aitatu eban gotzainak: “prozesu honen lorpenik handiena, egindako bidea bera da”. Gotzainak azpimarratu ebanez, benetan aitagarri eta azpimarragarria da konponbideak “beharrizan bereziak dabezan neska-mutikoakaz” batera aurkitzeko erabakia. Jokin Bildarratz hezkuntzarako sailburuak be “talde-lanaren” balioa nabarmendu eban.
Sailburuak, gotzainak eta Saulo Nebreda Ortuellako alkateak stand gehienak bisitatu ebezan eta jakin-mina erakutsi eben ikasleek aurkeztutako egitasmo teknologiko eta zientifikoen aurrean.
📌La feria artística y tecnológica de los centros diocesanos @Ikastetxeak a ritmo de Batucada pic.twitter.com/5a9lvCvCgR
— Bilboko Elizbarrutia (@DiocesisBilbao) January 18, 2024
Helburu bikotxa dauan azoka
Azokak helburu bikotxa dau. Alde batetik, EBI sareak “bokazino zientifikoak biztu eta sustatu gura ditu ikasleen -mutil zein nesken- artean”. Bestetik, azken urteotan ikastetxe eta ikastoletan ezarritako jardunbide barritzaileen, batez be “egitasmo eta erronketan oinarritutako ikaskuntzaren”, emaitzak agertzea da helburua.
Ikasleek egitasmo barritzaileak aurkeztu ebezan, esate baterako, automobil elektrikoak, robotak, errealitate birtualeko tresnak, mineralogia erakusketak, 3D imprimatzea, esperimentazino-tailerrak, bideokontsola hezigarriak edo adimendun seinaleak.
Honan itzuli ebazan gotzainak STEAM hitzaren ingeleseko siglak: S, solidaritatea; T, trinkotasuna edo transformazinoa; E, eredua; A, alaitasuna eta M, mentalitate irekia, gerora begira dagozanak, “beste batzukaz batera gaura barriak eratzeko”.
