Rabateko kardinal-artzapezpikua Bizkaian izango da datozan egunetan, eta ekitaldi desbardin bitan esku-hartuko dau.
Lehenengo eta behin, datorren zapatuz, urtarrilak 11, Eleizbarrutiko Teologia eta Pastoral Institutuak (ETPI) gotzaitegiaren Plaza Barriko egoitzan ospatuko dauan saiorako izena emon dabenakaz barriketan egin eta kafea hartuko dau.
Gogo-jardunak
Astelehenetik -urtarrilak 13- hasita, Cristobal Lopezek Eleizbarrutiko abade eta diakonoen gogo-jardunak gidatuko ditu. Aurton, euskerazko zein gaztelaniazko taldea leku berean batuko dira, hain zuzen be, Berrizko Mesedetako Misiolarien Barnezabal etxean.
Urtarrilean, ohikoa danez, abadegaiek be egingo dabez gogo-jardunak, 20tik 24ra, ZIortzan, Ministerio Ordenaturako Idazkaritzako zuzendari dan Carlos Olabarri abadeak gidatuta.
Urtarrilaren 27an hasiko dira laikoen gogo-jardunak. Berrizen izango dira, 29ra arte eta Martin Iriberri jesuita gidari-lanetan dala.
On Joseba Segura gotzainak Gotzainen Batzarrak antolatzen dituan gogo-jardunetan parte hartuko dau, datorren astelehenez, urtarrilak 13 hasita, Madrilen.
