1963an, Urpeko Jardueren Bizkaiko Alkarte Txangozaleak Begoñako Andra Mariaren irudia jarri eban Gaztelugatxeko San Joan inguruko uretan. Harrezkero, hainbat jarduera antolatzen da eta iraileko urpeko erromeriak bizirik irauten dau.
Urperatutako eskultura, Joaquin Lucarini eskultoreak egin eban Begoñako Andra Mariaren irudiaren kopia da. Lucarinirena da, besteak beste, Bilboko Deustu auzoko ‘Tigrea’ eraikinaren goialdean dagoan eskultura.
Brontzezko eskultura 12 metroko sakoneran dago berunez betetako 850 kiloko oinarriaren gainean. Irudia 10-12 metrora urperatu eta tronuratu eben Gaztelugatxen, urpekariek ikusi daien. Horregaitik, itsasbehera danean, erraz ikusi daiteke. Alkarte txangozaleak buia batez markatu dau urpean Begoñako Andra Mariaren kokapena.
