Gaur goizean, urte bi eta gero, barriro alkartu dira Eleizbarrutiko nagusien mobimentukoak kurtso amaierako ospakizunean. Eukaristian omenaldia eta esker ona adierazo jako Aita Martzel Andrinuari. Berak pozik eta hunkituta hartu dauz emon deutsen oparia eta beraren ganean entzun diran lekukotzak. Izan be, hogeta hamar urte baino gehiagoko ibilbidea egin dau fraileak Bizian Gora mobimentuari eralgiten eta hori guzti hori eskertu gura izan deutsie bidelagun izan dauazanak.
Eskerrik asko Aita Martzel Andrinuari
Eredu legez hartu dabe frailea beragaz batera urteotan egon diranek. Holan adierazo dabe oparia emon orduko irakurri diran pasarteetan. Pasiotarra eta Ohorezko Euskaltzaina Mila Egiguren eta Mari Angeles Angoitiagaz batera, Bizian Gora mobimentuaren hauspoa izan da. Omenduak, hunkiturik eskerrak emon deutsez beragaz batera bidean ibili diranei eta bizi poza emon deutsienei.
II. Carmelo Etxenagusia Aitamena jaso eban
Aita Martzel Andrinua Lariz fraile pasiotarrak (Bolibar, 1930) II. ‘Carmelo Etxenagusia’ Ohorezko Aitamena jaso eban 2018an. Pastoralgintzaren eta fede eta euskal kulturaren aldeko zerbitzuan egindako ekarpen baliotsuagaitik izentau eben Kultur Erakundeen Mahaitik.
Lurraldeko gotzain bikarioa izan zan eta bere bizitza osoa euskerari eta euskal kulturari eskainita emon dau. Bertsolarien txapelketako epaimahaiko kide izan zan urte askotan eta lagungarri pastoral lez edo ospakizunetan erabilten diran bertsoen liburu bat baino gehiago argitaratu dau. 1997tik aurrera, ‘Bizian gora’ eleizbarrutiko nagusien mobimentuko kontsiliarioa izan da.
Alkartasunezko eguna
Omenaldia eta esker ona Aita Martzel Andrinuari, baina hori baino gehiago izan da gaurko egun hau mobimentuan parte hartzen dabenentzat. Alaitasunez eta bizipozez aurrera egiteko jarduna be izan dalako. Bikario nagusiak homilian adierazo dauanez, `Gure Aita´ danon Aita dala gogoratzeko eguna.
Hoy celebramos la fraternidad, la amistad, la capacidad de apoyarnos los unos en los otros, de preocuparnos, de saber que alguien nos quiere. Es decir, saber que el otro nos da una razón para vivir.
(De la homilía)
ver galería (3)
