Irailaren 8an ospatzen da Pobeñan Sokorruko Amaren eguneko erromeria. Urtean zehar bada beste hainbat egun Pobeñako ermitaren izenari lotuta, ospakizun “nagusia” irailean bada be. Azaroaren 8a (Sokorruko Andra Mari) eta ekainaren 27a (Betiereko Sokorrua) dira beste egun horreek.
Prozesinoa ermitatik
Gaur -eguena-, Pazko HIrurrenaren azken saioa ospatuko da ermitan. Bihar -barikua-, goizeko 6:00etan ospatuko da lehenengo meza eta 07:00etan, 08:00etan, 09:00etan, 10:00etan eta 11:00etan be ospatuko dira. Ermitan ospatuko dan azken mezaren ostean, 11:30ak inguruan, prozesinoan atarako dira Ama Birjinagaz Pobeñako Bariko San Nikolas parrokiaraino eta bertan Meza Nagusia ospatuko da. Sergio Buiza Meatza inguruko moderatzaile eta I. bikarizako lurralde bikarioa izango da buru prozesinoan.
Ohikoa danez, urriko lehenengo asteburuan (urriak 1, domeka), Ama Birjinaren irudia barriro eroango dabe ermitara eta hantxe egongo da datorren urtera arte.
