Asteburuan zehar hainbat ospakizun eta ekitaldi egon da Elizbarrutiko bikaritzetan.
Kristau sarbideko sakramentuak Sestao Pastoral Barrutian (PB)
Sestaoko eta Hego Amerikako hainbat herrialdetako helduen taldeak heziketarako ibilbidea burutu dau, Jorge Aretxabaleta La Salleko anaiak laguntzaile-lanak egin ditualarik.
On Joseba Segura Eleizbarrutiko gotzaina izan zan buru atzoko eleizkizun hunkigarrian. Amaieran, eleiztarrek eta egun esanguratsu hau bizi eban taldeak kopau bat hartu eben alkarregaz.
Sestaoko Andra Mariaren Deikundea parrokian sendotzak ospatzen zirala-eta, On Joseba Segura gotzaina Kidendaren postura hurreratu zan eta bidezko merkataritzaren egitasmoari lagundu eutsan.
Ipar-Hegoaldea ikastaroko kurtsoko azken saioa
Zapatuz izan zan, Bilbon. Ikastaroa, Caritas Bizkaiak, Eleizbarrutiko Teologia eta Pastoraltza Institutuak (ETPI) eta Eleizbarrutietako Misinoek antolatu dabe beste urte batez eta Julio Cuadrak gidatu dau.
Durangoko klaratarrek Paduko San Antonio zaindariaren eguna ospatu eben
Donostiako koru gregorianoak meza girotu eban eta, ostean, kontzertua eskaini.
Antonio Madinabeitiaren arimaren aldeko hileta Vitoria-Gasteizen
Joan dan zapatuz, ekainak 15, ekainaren 13an, Paduko San Antonio egunez, hil zan Antonio Madinabeitia misiolariaren arimaren aldeko hileta-eleizkizuna ospatu zan Vitoria-Gasteizko San Bizente Martiria parrokian.
On Juan Carlos Elizalde Gasteizko gotzaina buru zala ospatu zan alkar-meza eta misino-haziak eta hamarkadaz hamarkada misiolariek egin daben lanak emondako frutuaren garrantzia azpimarratu eban meza-buruak homilian. Elizaldek Madinabeitia goraipatu eban: “gure esker ona Antonio Madinabeitiaren bizitza oparoagaitik; bihotzez eskertzen dogu bere bihotz-zabaltasun handia”.
Ekuadorretik, herrialde honetan misiolari lez emon ebazan 38 urtetan Antonio ezagutu eban hainbatek bialdu ebazan doluminak, esate baterako, Mons. Skiper Yanez Calvachi Babahoyoko gotzainak eta Mons. Nestor Herrera Machalako gotzain erretiratuak.
Mons. Skiperren esanetan, Madinabeitia “gizon ona, apala, karismatikoa eta fede sakonekoa zan”. Bere aldetik Mons. Nestor Herrerak honako mezu hau bialdu eutsan Gasteizko gotzainari:
«Con mi fraterno saludo, quiero expresarle a Ud. y por su digno intermedio al Presbiterio de su Diócesis, a las misioneras y los misioneros que misioneros en el Ecuador y a la familia mi sentida Condolencia y la de la Conferencia Episcopal Ecuatoriana por el sensible fallecimiento del querido y recordado Padre Antonio Medianabeitia.
Su sencillez, amabilidad y sobre todo su profunda espiritualidad marcaron en muchos Agentes de Pastoral su estilo de vida y la opción por los pobres a quienes sirvió.
Su muerte enluta a Misiones Diocesanas Vascas, causa dolor a los sacerdotes que formó, a los pueblos que misionó y a sus amigos Dios ha querido llamarle a compartir en el cielo la felicidad de los justos en el día de su Santo Patrono y eso nos consuela y fortalece.
Con mi oración y sentimientos de fraterna solidaridad».
GOIAN BEGO!
Bestalde, zapatuan Arratialdekoen errotagibea egin zan Urkiolara. Atzo San Antonio eguneko errepetizino domeka ospatu zan.
