Fernando Redondo, Migrazino Saileko zuzendariaren berbaldia zabala da. Gotzaitegiak Plaza Barrian daukan egoitzan izango da, datorren martitzenean.
Datu biografiko batzuk
Fernando Redondo Asturiasen jaio zan eta laster lekualdatu zan familiagaz batera Getafera. Abade honek San Damaso Eleiz Unibertsitatean eta Comillaseko Pontifize Unibertsitatean egin ebazan ikasketak eta Jerusalemen osotu ebazan bere ikasketa teologiko eta biblikoak.
Redondo misiolari izan da Bangladeshen javerianoakaz. Getafera itzuli eta Valdemoroko kartzelako kapilau izan zan zazpi urtez.
Beranduago, misiolari izan zan Brasileko Amazonasetan 15 urtez, “Obra para la Cooperación Sacerdotal Hispanoamericana (OCSHA)” dalakoaren bitartez.
Handik bueltatu zanean, parroko izan zan Leganeseko La Fortuna auzoan. El Bercialen eta La Magdalena parrokian be lagundu izan dau. Gines Garcia Beltran gotzainak Migrazinoetarako ordezkari izendatu eban 2019an eta 2024an, Migrazinoetarako Espainiako Gotzainen Batzarreko zuzendari izendatu eben.
