Begoñako Andra Mari Unibertsitate Eskolan (BAM) irakasle izateko prestatzen diharduenek giza, gizarte eta heziketa arloak sendotzeko ekimenetan parte hartu dabe ikasturtean.
BAMeko GAEAko (Gaitasun Akademikoaren Eleiz Adierazpena) ikasleek mahai-inguruan parte hartu eben. Bertan, hainbat erlejino eta sinismenetako ordezkariak batu ziran, esate baterako, Silvano Tonon Eleiza ebanjelikoko kideak, Carmen Lorenzo Bahau alkartekoak, Bordan Luhouyi Ukrainako Eleiza grekolatinokoak, Hamida errekaldeko meskitakoak eta Miguel Angel Esnaola ekumenismorako eleizbarrutiko arduradunak. Askotariko esperientzia erlijiosoak ezagutu ebezan, kideei laguntzeko dabezan bideak eta erlejinoen arteko bizikidetzaren indurukoak eta gure testuinguru anitzeko topaguneak eta eraikuntzarako lankidetzak. t
Esperientzia erlijioso ugari ezagutu eben: akonpainamendua kideei, erlejinoen arteko bizikidetza… Herritartasuna batzeko eta eratzeko guneak be gure testuinguru anitzean.
Barrukotasuna lantzeko tailerra
14 ikaslek parte hartu eben GERTU barrukotasuna lantzeko tailerrean. Bertan, bizitzaren zentzuaren, espiritualtasunaren eta heziketa-bokazinoaren inguruko kontuei buruz hausnartzeko bideak emoten jakez ikasleei.
Jaione Lopez misiolari gazteak bere esperientzia batera jarri eban tailerrean. Bera, irakasle lanetan ibili izan da Kenya eta Filipinetan fededun eta misiolari lez.
Konpromisorako hezi
Honeek dira, besteak beste, curriculumetik kanpoko heziketa honen ardatzak: umeen errealitatera hurreratu, aniztasuna errespetatu, norbere burua eta bizileku dogun mundua zaindu.
Osoko ekologia eta jasangarritasunaren aldeko konpromisoa
BAMeko 14 ikaslek parte hartu eben, Iosu Murgiak lagunduta, migratzaile eta errefuxiatuakaz lan egiten dauan BASOA, Casa de las Defensoras, egitamsoaren eskutik Artean. Partaideek gaur egungo krisi ekologikoa hobeto ezagutu eben eta oinarri zientifiko eta etikoetatik eta pentsamentu sozial kristautik gogoeta egin eben, euren bizitzan bizitza eta hezikta estilo jakin bat txertatzera eroango dituan prozesuari, etorkizunean ikasleentzat eredu izatera eta mundu jasangarriagoaren eragin biderkatzailea izatera eroango dituan prozesuari, ekiteko.
Lagungo
Lagungok sustatuako 5 tailerren bidez, ikasleak eskolan gaur egun dagozan erronkak ezagutu ebezan. Holan, bullynga, larriak diran jokaera arazotsuak dabezan ikaslek, heriotza eta dolua gelan eta kudeaketa emozionala lako gaiak aztertu ebezan. Partaideek honeen inguruan gogoeta egiteko eta tresnak jadesteko aukera izan eben, gero jarduketa profesionalean agertu daitekezan preminei eta hedatuta dagoan aniztasunari erantzun egokiak emon ahal izateko.
Ijitoen mundura hurreratu
Lehenengo mailako ikasleek ijito erniaren inguruan sakondu eban Kale Dor Kayiko alkarteak emon eban tailerrean. Herri horri bazterketari lotutako ezaugarriak egozten jakozala, euren nortasunagaz zerikusirik ez badabe be, eta askotan aurreretxi bihurtzen dirala esan zan. Talde-lanean, herri ijitoaren nortasunaren ezaugarriak ezagutu ebezan: familiaren balioa, batasuna eta alkartasuna.
“Los futuros docentes son parte de nuestra comunidad. En el desempeño de su profesión tienen la oportunidad de mejorar la calidad de vida de las personas, interviniendo de forma transformadora y aumentando la cohesión social. Estas experiencias e iniciativas responden a la vocación de BAM de formar profesionales de la educación conscientes, competentes y comprometidos con la construcción de un mundo más justo y humano. Subrayan la relevancia de un modelo educativo basado en el acompañamiento y una mirada honrada, justa y empática hacia el alumnado y la sociedad”. (BAM)
