HOACen ikastaroak Marques de la Ensenada Ikastetxe Nagusi unibertsitarioan ospatuko dira, hainbat eleizbarrutitako militante eta kontsiliarioak partaide dirala. Han izango dira, gainera, Ekintza Katoliko espezializatuko arduradunak, Eleizako eta sindikatutetako erakunde-ordezkariak eta kristau langileen nazinoarteko erakudeetako kideak.
Atzo hasi zan kontsiliario eta laguntzaileentzako ekitaldia
Bihar -uztailak 22, eguaztena-, HOACeko militante eta jarraitzaileentzako heziketa-eremuari ekingo jako. Zapatu eta domekaz, erretiro espirituala ospatuko da eta gura daben guztiek parte hartu leikie.
Hiperkonektatuta dagoan eta erabat kontsumista dan kulturan fedearen lekuko izatearen eta egiteko ebanjelizatzailea garatzearen inguruan gogoeta egitea proposatzen dau HOACek. Izan be, kultura horren joera, dirua, algoritmoak eta botere teknologikoa pertsonen, giza balioen eta ingurumenaren gainetik jartzea da.
Irabaziaren eta botere-kontzentrazinoaren logikak gobernatutako digitalizazinoaren parean, ikastaroetan beste premina hau agertuko da: pertsonari dagokion lehentasuna berreskuratu eta alkarte loturak, zuzentasuna, bakea, bardintasuna,pertsonen eta kreazinoaren zaintza eta guztion onaren eraketa sendotu.
Jentaurreko ekitaldia adimen artifizialari eta lanari buruz
Uztailaren 23an, eguenez, 19:00etan, partaideek Eukaristia ospatuko dabe Almudenako Santa Maria la Real katedralean, Mons. Vicente Martin Madrileko gotzain laguntzailea buru dala.
Ondoren, HOACek jentaurreko ekitaldia ospatuko dau katedralaren atarian, adimen artifizialari eta lan munduari buruz. Aparteko arreta jarriko da landa-eremuko lanean, emakume langileengan, eta AAak eguneroko eta laneko bizitzan dauan eraginean.
