Urteurren hunkigarriari hasiera emon jako Berrizen

Asteburu bizi-bizia eta hunkigarria bizi izan dabe Mesedetako misiolarien Berrizko komentuan. Belaunaldiak eta kontinenteak batu ziran misino-esperientzia zehatzak jasotzeko lehenengo misino-espedizinoaren mendeurreneko ekitaldiei hasiera emonez.

1926an Bera Kruz monasteriotik Wuhura (Txina) abiatu zan mesedetako misiolarien lehenengo misino-espedizinoaren mendeurreneko ekitaldien hasiera ofiziala ospatu da Berrizen, asteburuan. Egun bitan -bariku eta zapatua-, lekukotasunak, ospakizuna eta musika batu dabez., kongregazinoaren iragan, orain eta gerora begiratzeko asmoagaz.

Esperientzien mahaia

Mendeurrenari hasiera emoteko ekitaldiaren bezperan, barikuz, irailak 18, esperientzien mahaia ospatu zan. Jenteak arreta handiz jarraitu ebazan Angela Lu (Taiwan), Isabel Seman (Saipan-Mikronesia) eta FIlomena Hirotaren (Japonia) berbak. Berrizko misiolarien lehenengo jomuga izan ziran herrialdeentzat espedizino harek izan eban garrantzia eta alkarteen gaur egungo egoera azaldu ebezan.

Zapatuz, hasiera ofiziala

Irailaren 19an, zapatuz, lehenengo espedizinoaren mendeurrenean, honen hasiera ofiziala ospatu zan. On Joseba Segura Bilboko gotzaina buru zala Eukaristia ospatu zan, eleizbarrutiko abadeak, mesedetakoak, jesuitak eta misiolariak alkar-meza emoten zirala.

Munduko hainbat lekutatik etorritako monjak izan ziran protagonista nagusiak. Eurak egoteak ospakizun hunkigarria ekarri eban. Zuzeneko musika nabarmendu zan: Ain Karem (Puy) eta bertaratutako guztien bihotzera heldu zan bakearen aldeko kantua japonieraz abestu eban Filo Hirota.

Euskeraz, gaztelaniaz eta ingelesez egi eban homilian, gotzainak gogoratu ebanez, kongregazinoarena, barrutik zabaldu zan budin sarearen historia da: “No la rompió. La abrió desde dentro. Con la llave que abre todas las rejas: el amor de Cristo”, Gotzainak nabarmendu ebanez, gaur, Berrizko alabak dira -irletatik, oihanetik eta Andeetatik etorrita- bialdu ebazan etxera itzultzen diranak: “Hace cien años Berriz enviaba. Hoy Berriz recibe”.

“Más allá de esta convicción de fe, no busquéis certezas para seguir dejándoos enviar. Las de 1926 no las tuvieron. Vosotras tampoco las tendréis. Cristo está vivo en medio de su comunidad y es lo único importante”.
Joseba Segura

Herri agintariak be egon ziran ekitaldian: Nerea Melgosa Ongizate, Gazteria eta Erronka Demokratikorako sailburua, Orland Isoird Berrizko alkartea eta Amaia Antxustegi Gizarte Ekintzarako diputatua.

Mezaren eta ohorezko aurreskuaren ostean, misiolariek eta bertaratutakoek kopau bat hartu eben alkarregaz.