Erakunde sustatzaileen esanetan, kale-izendegia euskarri bitan –paperezkoa eta digitala- aurkeztu da eta “Hegoaldeko herrialdeetan zirrara positiboa eragingo dauan kontsumo arduratsuaren inguruan herritarren sentiberatasuna biztea eta herritarren konpromisoa xede dauan” izen honen azpian dagozan gitxienez 3 produktu eskaintzen dabezan 100 denda, jatetxe eta taberna ingururen kokapena jasoten dau. Dalako denda, jatetxe eta taberna horreek uriko barruti guztietakoak dira.
Bilbao, ‘Bidezko Merkataritzaren aldeko uria’ da 2012tik, GKEek, denda txikiek, ikastetxeek eta udalak berak produktu horreen merkaturatzea zabaltzeko eta, holan, Hegoaldeko herrialdeetan zirrara positiboa lortzeko egiten daben lanari esker. ‘Bidezko Merkataritzaren aldeko uri’ izateak udalerri-eredu jakin bat gauzatzea eskatzen dau, Bidezko Merkataritzaren barruan alkartzen diran ekoizle txikien eta produktuen errealidadea ezagutzera emonez sektore publikoaren eta merkataritza, ostalaritza, enpresa, hezkuntza eta alkarte sarearen bitartez.
