Barriak

Xabier Goikuriak, Kongoko Errepublika Demokratikoan 58 urte darozan misiolariak, gutuna idatzi deutso Bilboko gotzainari herriade haretara egin barri dauan bisitagaitik eskerrak emonez. Misiolariaren esanetan, bidaia hau eginez, gotzainak "Kongoko EDan bizi daben egoera zuzenean ezagutzeko aukera izan dau". Esker ona adierazo deutso, gainera, herrialdeko kobalto-meategietako baldintzen inguruan barri emoteagaitik -astelehenez argitaratu zan web honetan barri hori-, "etenbarik bizi dogun egoera da-eta". Barri horreek irakurri ondoren, Mons Francisko Perez Iruñako Artzapezpiku eta  …

Atzo -uztailak 17, astelehena-, Iñaki Franco Capetillo Eleizbarrutiko abadea hil zan Bilbon, 90 urte ebazala. Bere arimaren aldeko hileta-eleizkizuna gaur arratsaldeko zazpietan ospatuko da Sopuertako Mercadilloko parrokian, Kerman Lopez Eleizbarrutiko bikario nagusia buru dala. 

Saio baten heziketa jaso ondoren, BAM Irakasle Eskolako Lehen Hezkuntzako Graduko (gorputz-hezkuntza aipamena) hirugarren mailako 9 ikaslek (6 neska eta 3 mutil), Basauriko kartzelako patioa sustatu eben joan dan asteko hainbat arratsaldez. Berrogeta hamar preso inguruk hainbat kirol -voley, boloak...- praktikatu eben. Esperientzia burutu eta ebaluatuta, ikasleek Bidesarigaz  alkarlanean jarraitu gura dabe, kartzelan gorputz-kirol jarduerak sustatuz. 

On Joseba Segura Bilboko gotzainak Kongoko EDa bisitatu eban ekainaren amaieran. Hamabi egunez, herrialde zabal honen -afrikar kontinenteko bigarren herrialderik handiena- zati bat bisitatu eban Iñigo Iriarte misiolaria bidelagun ebala. Euskal Eleizbarrutietako misiolariek hainbat hamarkadatan lagundu eta makina bat egitasmo martxan jarri izan dabe bisitatu ebezan lurraldeetan. Baliabide natural asko daben lurrak dira, baina nazinoarteko interesen mende dagoz, bertako jentea premina larrian bizi dalarik.  

Bizkaiko hainbat herritan ospatzen dihardue jaiak euren zaindaria dan Karmeneko Amaren eguna dala-eta. Atzo izan zan egun nagusia eta askotariko ekitaldiak izan ziran Santurtzi, Plentzia eta Barakaldon. Hemen, datozan egunetan be izango dira jarduerak, besteak beste kontzertuak. 

Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org

Bihar -uztailak 16, domeka-, Karmeneko Amaren, itsas gizon eta emakumeen zaindariaren eguna ospatuko da. "Asko emon, gehiago merezi" goiburua proposatu dabe aurton Gotzainen Batzarreko  «Stella maris» sailetik (Itsas Apostolutza). Mons. Luis Quinteiro Fiuza Itsas Apostolutzarako gotzain sustatzaileak adierazo dauanez, goiburu esanguratsua da, izan be, "itsas gizon eta emakumeek asko emoten dabe". Hain zuzen be, "arrantzak, merkataritza-nabigazinoak, mercantzia-garraioagaz edo bidaiari-trafikoagaz, itsas gizon eta emakumeen lanak munduko biztanleriarentzat ongizatea dakarrela islatzen …

Orfeón durangués abesbatzak jardungo dau gaur arratsaldez Lekeitioko basilikan. Aurretik, 19:00etako Eukaristia girotuko dau eta meza amaitzeaz batera, 20:00etan, kontzertua izango da, askotariko estiloetako musika entzuteko aukeragaz. Fernando Urain Oñederrak zuzenduko dau eta Maite Molinak (pianoa) eta Andres Tejok (gitarra eta baxua) lagunduko deutse.

Mundakako Andra Mari eleizan, kontzertua ospatuko da bihar -zapatua- 20:00etan, ""Urdaibaiko Organoak–Joxe Mari Eguileor” musika-jaialdiaren barruan, Busturialdea-Urdaibai landa-eremuaren garapenerako "Urremendi" Alkartearen eskutik. Pavao Mašićek (organoa) jardungo dau eta, beragaz batera, Idoia Anzorandia, Aitor Etxebarriazarraga eta Ibai Amillategi bertsolariek.

Sestaoko "Gaztederrak" taldeko 23 neska-mutil eta 8 begirale kanpamentuan izan dira, Zallan, uztailaren lehenengo egunetan.