Barriak

Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org

Gaur, apirilak 1, Komunikazinorako Eleizbarrutiko Sailak Alkarren Barri aldizkariaren argitalpen digitala kaleratu dau. Apirilari dagokion 293. alean, Eleizbarrutiko barri nabarmenak jasoten dira, besteak beste gotzainak Bilboko Kofradien Ermandadeari Aste Santua dala-eta bialdu deutsen mezuaren pasarte batzuk eta Ermandadeko presidente izendatu barri daben Luis Olaortuari egindako alkarrizketa. Sexu gehiegikerien biktimen alde Bilboko Eleizbarrutian egin dan otoitzaldiaren ostekoak be jasoten dira, Josu Lopez Villalba katedraleko ospakizunean gotzainaren ondoan ospatzaile izan zan abade eta …

Datozan egunetan, Aste Santuko prozesinoak egingo dira Bilboko kaleetan. Gaur, Doloretako barikua, lehenengo prozesinoa atarako da, hain zuzen be, Nekaldiaren kofradiaren Doloretako Ama Birjinarena; Abandoko San Bizente Martiria parrokiatik abiatuko da, 20:30etan. 

Kofradien Ermandadeak esker ona adierazo dau Bilboko Udalbatzak gaur onartu dauan proposamenagaitik: Eusko Jaurlaritzak Kultur Ondare Immaterial izendatu daiala Bilboko Aste Santua. Horretarako, gutuna bialdu deutso Bilboko Udalari, proposamenaren alde egin daben talde politikoei eskerrak emonez euren "sentiberatasunagaitik". Horregaz batera, ebazpen honek kofradiakideen eta "bilbotar askoren irrika, ametsa" beteten dauala adierazo dabe. Kaleratu daben oharrean jasoten danez, mozinoagaz, Bilboko ohiturarik zaharrena, "469 urtez bilbotarren ona egiten diharduen ondare espiritual eta …

Bilboko Udal Bandak uriko Alde Zaharrean dagoan Joan Santuak eliezan jardungo dau bihar -barikua, arratsaldeko zazpietan. "Barrentasuna" goiburuaren haritik, prozezinoetako martxak joko dabez. 

Pertsona nagusien akonpainamendurako Abando-Albia Pastoral Barrutiko taldeak 25. urteurrena ospatzen dihardu eta, hori dala-eta, berbaldia antolatu dau biharko -martxoak 30-. Julio Gomez Santurtziko San Juan de Dios ospitaleko zainketa aringarrietako medikua izango da hizlaria eta "hartu, lagun egin eta osatu. Munduan egoteko modu bat" goiburuaren haritik jardungo dau, San Frantzisko Xabier parrokian (Juan Ajuriagerra, 42. Bilbao), jakin-mina daben guztien aurrean. 

Beste behin be, hilaren azken eguaztenez, bilkura isilak ospatuko dira 'Bizkaia isilik' ekimenaren eskutik. Bilkura horretan etorkin eta errefuxiatuek jasaten dabezan bidegabekeriak salatuko dabez, ohiko lekuetan eta orduan -19:30-: Bilbon, Arriaga plazan; Protugaleten, Gregorio Uzquiano kalean; Barakaldon, Bide Onera plazan; Galdakaon, Iturriondo plazan; Durangon, Andra Mari eleizpean; Balmasedan, San Severino plazan eta Getxon, Telletxe plazan (metroaren ondoan). Hilabete hontetako bilkuran, euren etxeak itzi eta eurentzat eta euren familientzat bizimodu hobea bilatzera atara diran …

Datorren barikuz, martxoak 31, 'Jazotakoa jaso' bideoklipen lehiaketako sariak banatuko dira Somorrostro ikastegian. EBI sarean dagozan Eleizbarrutiko ikastetxeek parte hartzen dabe bideoklipen lehiaketan eta VI. ekitaldi honetako jaialdiko gonbidatu nagusia 'Korrontzi' taldeko Agus Barandiaran izango da. Goizeko 11:00etan hasiko dan ekitaldian, On Joseba Segura Bilboko gotzaina izango da buru eta Javier Onaindia Eleizbarrutiko irratietako zuzendariak jardungo dau aurkezle-lanetan. Zuzenean emongo da web orrialde honen bidez eta sareko hamazazpi ikastetxeek parte hartuko dabe. Aurton …

Debabarrena orfeoia 2016an sortu zan eta 25 lagunez osatuta dago. Debabarrena orfeoiak ontzertua eskaini dau Ermuko Santiago Apostolua parrokian, askotariko estiloetako kantu herrikoiak interpretatuz, "Besarkadak" goiburua izan dauan emonaldian. Jose Miguel Laskurain zuzendariak azaldu dauanez, pandemia atzean itzi eta emonaldi hau antolatu dabe, benetan falta jakuna, "alkar besarkatu", gogora ekarteko.