Barriak
Etiquetado como: Laudato Si
Eleizbarrutiak komunikabideetan AAren erabilera etikoa sustatzeko dekalogoa aurkeztu dau
Datorren eguaztenez, ekainak 5, komunikabideetan AAren erabilera etikoa sustatzeko I. dekalogoa aurkeztuko da gizarte komunikabideen aurrean. Bilboko Elizbarrutiak, Kazetarien Euskadiko Elkarteak eta Kazetarien Euskadiko Kolegioak sustatutako hausnarketaren emaitza da. Orain dala urtebete sortu zan ideia, Aita Santuak komunikazinoa eta Adimen Artifiziala gaiaren inguruan sustatu eban Gizarte Komunikazinoen Eguna zala-eta. Kultur Erakundeen Eleizbarrutiko Mahaiak abagune ontzat hartu eban, Eleizaren ekarpen humanistikotik gai honetan jardunbide etikoak zehazteko. Aste honetarako antolatutako …
Gorpuzti Eguneko Eukaristiaren zuzeneko emonaldia
On Joseba Segura Bilboko gotzaina buru izango da gaur, Gorpuzti Eguna, eguerdiko 12:00etan Santiago katedralean ospatuko dan Eukaristian. Meza amaitzeaz batera, prozesinoa egingo da Katedralaren inguruan. Meza zuzenean emongo da web honetan.
Eleizbarrutiko barrien laburpena
Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org
Kurtsoko azken aldizkaria
Bilboko Eleizbarrutiko barri nagusiak jasoten dituan aldizkariaren 10 ale argitaratzen dira urtean. Alkarren Barri - Comunicación aldizkaria euskarri multimedian argitaratu da gaur eta laser izango da harpidedunen etxeetan. Agerkariaren 304. alearen azala, oporrez gozatzeko eta berde koloreko kurutzearen irudia dauan ametsen liburua zabaltzeko deia da.
Ezkontzen Urre eta Zidarrezko Ezteguen ospakizunaren zuzeneko emonaldia
Begoñako basilikan ospatuko dira gaur arratsaldez ezkontzen Urrezko eta Zidarrezko Eztegurak. Eukaristia.
Caritas Bizkaia erakundeak Zallan ospatuko dau Maitasunaren Eguna
Caritas Bizkaiak egun berezia ospatuko dau bihar. Maitasunaren eguna jaia, aintzatespena eta fedea alkarbanatzeko jardunaldia izaten da. Bihar Zallan ospatuko da eguna gotzaina be bertan dala.
Lurralde Santuko frantziskotarrak, Bilbon
Datorren astelehenez, ekainak 3, Jerusalemen bizi eta Lurralde Santuaren Zaintzako ekonomo dan Fray Tony Choucry libanoarra Bilbora etorriko da. Goizez, gotzainagaz alkartuko da eta arratsaldez berbaldia eskainiko dau San Frantzisko Xabier parrokian 19:00etan. Ondoren, meza ospatuko da milaka lagunen hilketa gertatzen ari dan lekurako bakea eskatzeko. Fray Luis Quintana Zaintzaren Espainiako arduraduna izango dau ondoan Choucryk.
"Gure baztertze-plana", mahai-ingurua San Bizenten
Abandoko San Bizente Martiria parrokiako batxilergoko 1. kurtsoko taldeak deialdia egin dau bihar -barikua-, 20:00etan parrokiako Bengo-leku lokaletan ospatuko dan mahai-inguruan parte hartzeko. Hainbat gizatalderi lotuta egindako boluntario-lanaren ingurukoak azalduko dabez.
Harmoniuma barriro martxan, Sodupeko eleizaren 530. urteurrenean
Datorren zapatuz, ekainak 1, urte bitan konpontzen aritu ondoren, Sodupeko San Bizente Martiria eleizako harmoniuma entzun ahal izango da barriro be. Arratsaldeko 19:30etatik aurera, kotzertua ospatuko da eleizan, Maria Vega Perez de Arlucea piano-jotzailea eta Irma Rutkauskaite-Egiluzek zuzendutako "Camerata Bilbao" protagonista dirala.
Caritasek 13.000 lagun inguru artatu ebazan 2023an
Caritas Bizkaia erakundeak BIlbon dauan egoitzan aurkeztu dabe gaur goizean Caritasen 2023ko oroitza-txostena. Elena Unzuetak eta Ana Sofi Telletxeak, Caritas Bizkaia erakundeko zuzendari eta Gizarte Behatokiko arduradun, hurrenez hurren, erakundearen azken urteko daturik nabarmenenak eskaini dabez.