Barriak

'Goazen!' ekitaldiaren bidez, Bilboko Eleizbarrutiak hasiera emon eutsn 2024-25 kurtsoari joan dan zapatuz, Derion. Horixe izan zan, gainera, kurtso osoa markatuko dauan Eleizbarrutiaren sorreraren 75. urteurrena ospatzeko egingo diran ekitaldien artean lehenengoa. Hona hemen eguneko argazkiak.

Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org

Jardunaldi berezia izan da, alde batetik, 800 lagunetik gora batu dalako Derioko seminario zaharrean eta, bestetik, Bilboko zazpi bikaritzetatik bertara joandako lagunek alkarteen aniztasuna agertzera emon dabelako. Gotzainak bere berbaldian esan ebanez, "esker oneko eguna bizi izan dogu makina bat lagun izan dalako partaide" Eleizbarrutiaren historia luzean. Ezusteko asko izan da egunean zehar eta, gainera, Bizkaiko Eleizarentzat apartekoa dan urte osoan entzungo dan kantua abestu zan lehenengo aldiz.

Gaur, 800 lagun baino gehiago batuko da Derion, Bilboko Eleizbarrutiaren sorreraren 75. urteurrena dala-eta, berezia dan kurtsoari hasiera emoteko. Ekitaldiaren helburua hauxe da: alkartu, gogoratu, esker ona adierazo eta Bizkaiko Eleizaren etorkizunari begira jarri. Goizeko 10:00etan hasi eta 15:00ak inguruan amaituko da. Ondoren, asteburuko ospakizunetan emongo jako jarraipena Derioko ekitaldiari eta parrokietan dirua batuko da parrokienzat eta Caritas Bizkaia erakundearentzat.

Datorren zapatuz, irailak 28, Derion ospatuko dan GOAZEN!, ekitaldian emongo jako hasiera kurtsoari. Asteburu berean, irailaren 28 eta 29an, Etorkin eta Errefuxiatuaren Munduko Eguna ospatuko da Eleiza osoan. Aurton, "Jainkoa bere herriarekin dabil"goiburuaren haritik, Frantzisko Aita Santuak sinodo-seneko Eleizaren garrantzia azpimarratu dau, bere esanetan, "bidean dan Jainkoaren herria" da-eta. 

"Kreazinoaren aroa 2024" deitutako ekimenaren barruan, irailaren 21ean hasi ziran Fede gutuna ezagutzera emoten eta babesten. erregai fosilak ez ugaltzeko hitzarmena garatzeko eskatzen jake garapen bidean dagozan herrialdeei. Gehiago jakiteko: hemen.

BAM irakasleen Eskolan batu dira gaur goizean boluntarioen lanaz jarduten daben erakundeak eta euren jardunbideen barri emon dabe. Etenbakoa izan da goizean BAM eskolako ikasleen joan-etorria eta amaibakoak erakunde bakotxeko ordezkarien euren jardueraren inguruan emon dabezan azalpenak eta, dana batuta, giro berezia izan da bertan. 

Begoñako Kofradiak Jon Uriarte Lauxirika kazetaria izendatu dau aurtengo Begoñako Ohorezko Erromes. Gaur goizean Bilboko Arriaga antzokian egindako ekitaldian emon dabe izendapenaren barri.

“Sustainability in European theological libraries”, goiburuaren haritik ospatu da Sarajevon, www.beth.eu dalakoan alkartuta dagozan Europako Teologia-liburutegien 52. biltzarra. Jaime Lopez Eguilazek Eleizaren Liburuzainen Espainiako Alkarteko (ABIE) -www.abie.es- ordezkari lez parte hartu dau, 23-24 kurtsoan Espainiako Eleizaren liburutegien jarduera eta egoeraren barri emoten dauan ABIEren urteko oroitza-txostena aurkeztuz