Barriak

Bizkaiko kristau Eleiza eta alkarteak Bilboko Santiago katedralean batu ziran domekaz, Kristauen Batasunaren aldeko Otoitz Astean. Eleizkizunean, Eleiza Luteranoko, Espainiako Eleiza Erreformatu Episkopaleko, Konstantinoplako Patriarkatuko Eleiza Ortodoxoko, Espainiako Eleiza Ebanjelikoko, Ukrainako Eleiza Greko-katolikoko ordezkarien parte hartu eben, Kerman Lopez Bilboko Eleizbarrtiko bikario nagusi eta Eleiza Katolikoko ordezkaria buru zala.

Joan dan barikuz, urtarrilak 17, "Esclavas SC Fátima" ikastetxeak bere Urrezko Ezteguak ospatu ebazan. Fernando Marcos III-VII bikaritzetako lurralde bikarioa eta Jesus Sanchez Maus parrokoa izan ziran buru Eukaristian. 

1965eko urtarrilaren 21ean, hemengo hiru abade heldu ziran lehen Zaire zan eta orain Kongoko Errepublika Demokratikoa dan herrialdera. Misino-jarduera honen 60. urteurrena ospatzeko bihar -urtarrilak 21, martitzena, mahai-ingurua ospatuko da 19:00etan, Abandoko San Bizente Martiria parrokiako Bengo-Leku lokaletan. Hirurogei urteotan herrialde haretan egon izan dan hainbat misiolarik lekukotasuna emongo dau.

Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org

Urtarrilaren 18tik 25era, Kristauen Batasunaren aldeko Otoitz Astea ospatuko da. Bilboko Eleizbarrutian, bihar -urtarrilak 19, domeka- ospatuko da ekitaldi nagusia, 19:00etan, Santiago Katedralean. Kerman Lopez bikario nagusia buru dala egingo dan eleizkizun ekumenikoan, askotariko kristtau Eleizetako -katolikoa, anglikanoa, protestantea, ebanjelikoa, grekokatolikoa eta ortodoxoa- kideek parte hartuko dabe. Aste honetan Bizkaian dan Rabateko kardinalak adierazpenak egin ditu eleizen arteko hartu-emonaren eta migrazinoaren inguruan. 

75. urteurreneko webean orri bat jarri da, gertaera honen inguruko oroigarri 'bereziak' eskatzeko. Oroigarriok eskuratu eta urteurrena nork bere egin eta gizartean agertzeko aukera da. Ekimen honen bidez kolorez betetako logo barria askotariko lekuetara eroango da. Opari bakar eta praktikoa be izan daiteke alkarteetako kideei euren boluntario lana eskertzeko. Eskariak: hemen.

Enkarterriko Museoak gotikoaren inguruko urteera gidatuei ekingo deutse barriro be. Hil honetan, Portugaletera joko dabe bihar -urtarrilak 18, zapatua-, eta Balmasedara, hilaren 25ean. Jarduera honeetan parte hartu gura dauanak aldez aurretik lekua gorde beharko dau museoaren webean: www.enkarterrimuseoa.eus

"Gogoratu, bizi, amets egin" erakusketa ibiltariak Bizkaiko Eleizaren 75 urteko historiako une gogoangarriak agertzen ditu.Erakusketa, Derion ospatu zan kurtso hasierako ekitaldian zabaldu zan eta handik Begoñako Gogarte Etxera eroan eben. Gaur egun, Amatxuren etxean (III-VII bikaritzak) dago eta datozan egunetak San Bizente parrokiara lekualdatuko da eta hantxe egongo da ikusgai hiilaren amaierara arte.

Datorren barikuz, urtarrilak 17, San Antonio Abataren, animalien zaindariaren eguna ospatuko dogu. Eukaristia ospatuko da Urkiolako santutegian eguerdino 12:00etan, Javier Garai abadea buru dala eta ostean animaliak bedeinkatuko dabez. Arratsaldeko seietan egingo da bedeinkapena Bilboko San Anton eleizaren kanpoaldean.

"Daukadana banatu egingo dot" goiburuaren haritik ospatuko da datoren domekan, otsailak 19, Ume Misiolariak kanpaina, mundu osoko mutiko eta neskatoak misiolari bihurtzeko eta alkar laguntzea sustatzeko helburuagaz. Egun hori dala-eta, On Joseba Segura Bilboko gotzain eta Misinoetarako eta Lankidetzarako Espainiako Gotzainen Batzarreko Batzordeko presidentea buru izango da datorren domekaz, hilak 19, goizeko 10:30etan ospatuko dan eta TVE2 kateak zuzenean emongo dauan Eukaristian.