28-03-2024 Jueves, semana - semana santa
Bizkeliza 5 Gaurkotasuna 5 Barriak ( Page 26 )
 

Barriak

Etiquetado como: Afrika

Barri-bilatzailea
-(r)en araberako bilaketa “...” Aurkitu dira 1019 Emaitzak.
-(r)en arabera ordenatu
13.12.2023

Kongoko EDaren aldeko azoka solidarioa Algortako Tourseko San Martin parrokian

Misinoetarako Algortako Tourseko San Martin parrokiako taldeak azoka solidarioa antolatu dau eta domekara arte -abenduak 17- zabalik izango da. Askotariko gauzak -osagarriak, etxeko gauzak, Gabonetako artikuluak, umeentzako liburuak, jostailuak...- eskuratu ahal izango dira eta Mufungako umeek marraztutako Gabonetako postalak erosi, eta batu daiten dirua Kongoko Errepublika Demokratikoko Kanseniako misinora bialduko da.

13.12.2023

Carlos GarcIa de Andoinek "Fernando De Los Ríos. La construcción del estado laico” liburua aurkeztuko dau

Bihar -abenduak 14, eguena- goizeko 10:30etan, Carlos Garcia de Andoin Eleizbarrutiko Teologia eta Pastoraltza Institutuko (ETPI) aurreko zuzendariak "Fernando de los Ríos. La construcción del estado laico” bere liburua aurkeztuko dau Barria eraikinean (Plaza Barria, 4. 1.). Urrian, Garcia de Andoinek Vatikanoan aurkeztu eban liburua, Isabel Celaa Vatikanoan enbaxadore dana anfitrioi zala eta Mons. Juan Jose Omella Bartzelonako kardinal eta Gotzainen Batzarreko presidentearen eta Stefano Cecanti La Sapienzako irakaslearen partaidetzaz ospatu zan ekitaldian.

13.12.2023

HOAC mobimentuak sinodo-seneko Eleizari buruzko liburua aurkeztuko dau

Bihar, abenduak 14,  "Caminar  juntas y juntos. Soñar la Iglesia, vivir la misión" (HOAC argitalpenak, 2023) liburua aurkeztuko da Barria eraikineko lokaletan. Hainbat lagunek bere lekukotasuna emongo dau "talde lanaren frutu eta Eleiza katolikoan sinodo-seneko Eleizaren inguruko ulermenerako lagungarri izango dan liburuaren" aurkezpenean.

12.12.2023

Gotzainak gidatuko dau bihar Ministerio Ordenatuaren Abendualdiko erretiroa

"Mariaren begiez" goiburuaren haritik eta Ministerio Ordenaturako Idazkaritzaren eskutik, Abendualdiko erretiroa ospatuko da bihar -abenduak 13, eguaztena-, 10:00etatik 13:00era Begoñako Gogarte Etxean, On Joseba Segura gotzainak gidatuta. Ministerio Ordenaturako Idazkaritzatik jakitera emon dabenez, urtero urtarrilean ospatzen diran gogo-jardunen txanda biak aurton, lehenengo aldiz, leku berean ospatuko dira, hain zuzen be Larreako Gogarte Etxean, 2024.eko urtarrilaren 8tik 12ra. Lontzo Zugazagak gidatuko ditu euskerazkoak eta Miguel Angel Esnaolak gaztelaniazkoak. 

12.12.2023

Gabon-kantak Bilboko eleizetan

Bilboko 27 abesbatza eta koralek 16 kontzertu eskainiko dabez hainbat eleizatan, gaurtik urtarrilaren 4ra arte. Bilboko Udalak, hainbat parrokiagaz batera prestatu dauan 'Kultur Gabonak' egitarauaren barruan izango dira emonaldiak. Honako eleizetan ospatuko dira kontzertuak, sarrera doan dala: Atxuri, Zabala, Zorrotza, Santutxu, Castaños, Indautxu, Errekalde, San Frantzisko, La Peña, Alde Zaharra, Abando, Txurdinaga, Olabeaga eta Basurtu.

11.12.2023

Miguel Ramon Viguri, Corpus Christi parrokiako hitzaldi sailean

Abenduaren 12an, martitzenez, "Krisiaren aurrean, erantzuna, aldaketak eta... oinarrizkora!" hitzaldi saileko hirugarren berbaldia ospatuko da Corpus Christi parrokia eleizan (Maria Diaz de Haro, 17. Bis. Bilbao), 19:30etan. Miguel Ramon Viguri Deustuko Unibertsitateko GIzarte eta Giza Zientzien fakultateko irakaslea izango da hizlaria eta "Jainkoa krisian? Jainkoa eta zientzia" gaiaren inguruan jardungo dau.

11.12.2023

Egun bizi-biziak alkarte latinoamerikarrean

Abenduaren 7 eta 10 bitartean, batzar esanguratsuak ospatu dira hainbat parrokiatan: Santa Maria Josefa, San Felicisimo, Indautxuko Karmeneko Ama, Sortze Garbia eta Arantzazuko San Pedro Apostolua. Alkarte latinoamerikarraren erreferente dan David Urdaneta abadeak azaldu dauanez, "gure sustrai kultural eta espiritualen agerpen kartsuak izan dira. Guztiz pozgarriak pastoral latinoamerikarrarentzat, gure debozino eta ohiturak parrokia gehiagotan sartzean, gero eta jente gehiagok onartzen dituala ikusita".

11.12.2023

Immigrazinoari buruzko lekukotasunak San Bizente parrokiako 'Bengo-lekun'

Gaur arratsaldeko 19:30etan hasita, "Etorkinak: immigrazinoari lotutako bost lekukotasun" saioa ospatuko da Abandoko San Bizente Martiria parrokiako 'Bengo-leku' lokaletan, abenduaren 18an ospatuko dan Etorkinaren Nazinoarteko Egunaren inguruan. 

10.12.2023

Eleizbarrutiko asteko barriak

Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org
08.12.2023

Seminarioaren Eguneko argazkiak

Gaur, Sortzez Garbiaren Egunez, Seminaroaren Eguna be ospatzen da. Hau dala-ta Donostiako eta Gasteizko gotzainak, Juan Carlos Elizalde eta Fernando Prado Begoñako basilikan egon dira eguna ospatzen. ETB1etik emon dan mezatan Donostiako gotzaina izan da buru, Bilboko gripeak jota dagoalako. Bertan Patxo Ateca eta Juan Reyero hautagaiek abade izateko bideari ekiteari baietza emon deutsie.