Barriak
Etiquetado como: Goiuria
Bilboko 'Focolar' mobimentuak 80 urte bete ditu
On Joseba Segura Eleizbarrutiko gotzaina buru izango da bihar -eguena-, arratsaldeko zazpietan, Begoñako basilikan 'Focolar' mobimentu laikoaren 80. urteurrena dala-eta ospatuko dan Eukaristian.
"Miserere" kontzertua Begoñan, Caritas Bizkaia erakundearen alde
Orain dala 20 urtetik hasita, Begoñako kofradiak eleiz musikako kontzertua antolatzen dau Garizuma-aldiko bariku baten Begoñako basilikan. "Miserere" ekitaldi kultural eta erlijiosoa da, ohitura bihurtu da eta Aste Santuaren atarian ospatzen dana. Datorren barikuz, martxoak 15, izango da 20:00etan (sarrera doan). Ongintzazko kontzertua da eta Begoñako kokfradiaren egintza sozial eta kulturalak ordaintzeko egiten da. Sarreran banatuko diran kartazaletan sartu daiteke dirua edo 9 lerroaren bidez kontu-zenbaki honetan: Laboral Kutxa 3035 0176 28 1760009557. Caritas Bizkaia erakundearen esku …
Misinoen inguruko kafe-solasaldia eta berbaldia, Bilbon
Bihar -martxoak 13, eguaztena- kafe-solasaldia ospatuko da 17:30etan, Barria eraikinean (Plaza Barria, 4. Bilbao). Bertan izango dira, bere misino-egitekoari Eleizbarrutian jarraipena emoteko itzuli barri dan Paulino Ordax misiolaria eta Ekuadorreko Manabi probintziako Calcetan misiolari laiko dan Isabel Matilla. Honen ostean, 18:30etan, Espainian Afrikako misiolarien ordezkari probintzial dan Manu Osa Aita Zuriak berbaldia eskainiko dau.
Paulino Ordaxek bere misino-esperientzia aurkeztuko dau Gernikan
Martxoaren 19an, San Jose egunez, burutuko dan Eleizbarrutietako Misinoen kanpaina dala-eta, Misinoetarako Gernikaldeko taldeak ekitaldia antolatu dau eta bertan parte hartzera deitu. 2009tik hasita Ekuadorren misiolari izan dan eta orain dala hilabete eskas Eleizbarrutiko pastoralgintzan aritzeko bueltatu dan Paulino Ordaxek berbaldia eskainiko dau Gernikano Andra Mari parrokiako lokaletan, 19:30etan.
Gotzaina, pregoilari Bilboko Aste Santuan
Bihar, iluntzeko 20:00etan irakurriko da Aste Santuko pregoia Santiago katedralean. Penitentziazko Kofradien Ermandadeak On Joseba Segura Bilboko gotzaina aukeratu dabe pregoilari. Azaldu dabenez, "kofradiei erakutsitako babesa, eurak Eleizbarrutiaren bizitzan txertatzea eta euren barruko barrikuntza sustatuz, erabakigarria izan da 2024ko Aste Santuko pregoilari izendatzeko". Pregoiaren irakurketa zuzenean web honen bidez.
Asteburuan, topaketak, autorpenak eta alkartasuna
Hona hemen azken egunetan Bilboko Eleizbarrutian izan dan zenbait jarduera:
800 gazte baino gehiago, Bilbao, Ermua eta Orduñako topaketetan
III. eta VII. bikaritzetako (Bilbao, Basauri eta Etxebarri) 300 neska-mutilek parte hartu eben atzo, San Inazio Pastoral Barrutian ospatu zan Bika Egunean, hau da, 9 eta 14 urte bitarteko ume eta gaztetxoen topaketan. Beste alde batetik, IV-V bikaritzetako gaztetxo eta gazteen taldeetako kideak eta Herrialdea eskaut taldeetakoak Ermuan batu ziran urteroko topaketan. Gainera, VI. bikaritzako 100 gazte inguruk asteburuko egonaldia egin dabe Orduñan.
`martxoak8mujeres´ ekitaldiko argazkiak
Martxoaren 8an, barikuz, Bilboko Eleizbarrutiak 8 emakumeri autorpena eskaini eutsen VI. ekitaldia ospatu dauan 'martxoak8mujeres' saioan, Indautxuko Karmeneko Ama parrokiako areto nagusian. Gotzainak ezin izan eban parte hartu, Madrilen egoalako Gotzainen Batzarraren Osoko Bilburan, baina mezua bialdu eban grabatuta eta, besteak beste, "ospakizun honegaz benetan bat egiten dot" esan eban. Ekitaldiaren inguruan gehiago jakiteko: hemen. Argazkiak: hemen.
Carlos Gil Arbiolek emongo deutso amaiera Corpus Christiko berbaldi sailari
Bihar -martxoak 12, martitzena-, Corpus Christi parrokiak kurtso honetarako antolatu dauan berbaldi sailari amaiera emongo jako. Carlos Gil Arbiol Deustuko Unibertsitateko Teologia-fakultatean Idazteuneko irakaslea izango da azken hizlaria eta "Jesusen espiritualtasuna, eredu sasoi barrietarako" gaiaren inguruan jardungo dau. Corpus Christi eleizan izango da (Licenciado Poza, 50), 19:30etan.