Barriak

Gabika auzoko San Joan Bateatzailea eleizako torrean martxan da barriro be 1889ko erlokua. Zumaiako errementari-erlojugileen sendikoa zan Benito Yereguik eraiki eban. Hain zuzen be, Yeregui familiako hainbat kidek parte hartu dau barriztutako erlojuaren bedeinkapen eta inaugurazinoan. Bilboko gotzaina buru dala eta lurraldeko bikarioa, parrokoa eta inguruko abade eta fraileak alkar-meza emoten dirala ospatu dan hildakoen aldeko mezaren barruan egin da ekitaldia.

Gaurtik domekara, Getxoko 42. Koral Astea ospatuko da eta nazinoarteko lau abesbatzek -ahots zuriak eta mistoak- parte hartuko dabe, askotariko estilo eta garaietako errepertorioa eskainiko dabe. Hasteko, gaur arratsaldez, "Giovanile with us" italiar abesbatzak jardungo dau Berrerosle Guztiz Santua parrokian, 19:30etan (sarrera doan). Gainerako kontzertuak, azaroaren 3tik 5era, Muxikebarrin ospatuko dira. 

Azaroaren 3an, omenaldia egino jako Juan Tomas Uribarriri Indautxuko Karmeneko Ama parrokiako areto nagusian. Komunidadeen Batzordeaka ntolatu dau 19:00etan hasiko dan ektialdi hau. Uribarri bat-batean hil zan bizikletan joiala Morgako gainerantz, joan dan maiatzaren 29an, 68 urte ebazala. Asko maite eban kirol hau eta espezialista zan altuerako txirrindularitzan. Horrezaz gainera, Bizkaiko Eleizagaz konprometitutako gizona zan.

Azaroaren 1ean, Domu Santu egunez argitaratu da Alkarren Barri aldizkariaren 297. alea. Oraingoan, laguntza eske dagoan pertsona batengan arreta jartera deitzen gaitu azalak. Egunero gure inguruan aurkezten diran egoeren aurrean adi (erne!) egoteko esaten jaku. Ale honetan nabarmentzen dira eta gure arreta eskatzen dabe, besteak beste, Eleizbarrutiaren Egunak (azaroak 12), Lurralde Santuko gerrak eta Pobreen Munduko Egunak. Ignacio Palacio Gizakiako zuzendari gerenteari eta Begoña Iñarra misiolariari egindako alkarrizketek be irakurlearen jakin-mina biztu gura dabe.

Bihar -azaroak 1, eguaztena-, Domu Santu Egunez, On Joseba Segura Bilboko gotzaina buru izango da Derioko kaperan eguerdiko 12:00etan ospatuko dan Eukaristian. Eleizkizun horretan, urtean hildako pertsona guztien gomuta berezia egingo da.

Zapatuz, Sopuertako San Viator ikastetxean ospatu zan parrokietako alkartezainen batzarra, Ekintza Katoliko Orokorraren batzar nagusia Bilbon, eta hirukoiztarrek Algortan daben parrokiaren urteurrena jarduerak iizan dira, besteak beste, asteburuan. Hona hemen batzuk:

Bizkaiko HOACek batzar nagusia ospatu eban zapatuz -urriak 28-, "EKO, kristau profesionalak eta JOC mobimentuakaz batera, Bilboko La Salle ikastetxean". Azken urteetan, Ekintza Katolikoko mobimentuok batera emoten deutse hasiera kurtsoari. Aurton, nabarmentzekoa da mobimentu gehiagok egin dabela bat guztien arteak ekimenak garatzeko, Laudato Si entziklika eta Laudate Deum aholku-hitz apostolikoa kontuan hartuta eta Ebanjelizatzearen Eleizbarrutiko VI. Egitasmoaren 3. erronkaren 3.2 jardunbideak sustatuta: "Bihurtze ekologikoa eragin (Laudato si) gizarte-ingurumenaren aldeko justizia eta …

Bererosle Santuaren jai liturgikoaren egunez, atzo -domeka, Algortako Berrerosle Santua parrokiaren 50. urteurrena oroitzeko urtearen hasierako Meza ospatu zan.

Bilboko Ekintza Katoliko Orokorrak (EKO-ACG) kurtso hasierako batzar nagusia ospatu eban zapatuz, Bilboko La Salle ikastetxean. Eukaristiaren aurretik, Kerman Lopez bikario nagusiak On Joseba Segura gotzainaren agurra helarazo eutsen. 

Ehun eta hogei lagun inguru, antolatzaileen esanetan, "aurretik pentsatzen zana baino lagun gehiago", batu zan joan dan zapatuz Sopuertako San Viator ikastetxean ospatutako parrokietako alkartezainen lehenengo batzarrean. Entzuteko, gogoeta egiteko eta, batez be, parrokien zaintzaz arduratzen diran pertsonen egiteko handi eta isila agertzera emoteko eguna izan zan. Eta batek baino gehiagok esan ebanez, 24/7 zerbitzua da eta nork bere borondatez egiten badau be, ez da nahigaberik be falta. On Joseba Segura gotzainak esker ona adierazo eutsen alkarteari eskaintzen deutsen zerbitzuagaitik eta …