29-03-2024 Viernes, semana - semana santa
Bizkeliza 5 Gaurkotasuna 5 Barriak ( Page 43 )
 

Barriak

Etiquetado como: migrazinoak

Barri-bilatzailea
-(r)en araberako bilaketa “...” Aurkitu dira 1020 Emaitzak.
-(r)en arabera ordenatu
28.09.2023

Zatoz, gaur, Indautxura, bidezko merkataritzaren azokara

"Bidezko merkataritzak on egiten deutso mundu osoari" goiburuaren haritik gaur ospatuko da Indautxu plazan, 17:00etatik 20:00etara, bidezko merkataritzaren azoka. Gai honen inguruan sentiberatasuna bizteko hainbat jarduera izango da, besteak beste: antzerkia, ipuin-kontalaria, munduko jolasak, kontsumo arduratsu eta jasangarrirako produktuen salmenta, argibide-mahaiak eta dastatzeak. Honeek parte hartuko dabe:  Proclade- Yanapay, Adeco alkartea, Setem Hego Haizia, Oxfam Intermon, Kidenda eta Vicente Ferrer Fundazinoa.

27.09.2023

500 lagun inguru batuko da Markinan kurtsoari hasiera emoteko

Datorren zapatuz, irailak 30, Bilboko Eleizbarrutian kurtsoari hasiera emoteko egiten dan 'Goazen!' ekitaldia ospatuko da. Aurtengo barritasunik handiena, lehenengo aldiz uriburutik kanpo ospatuko dala izango da. Markina-Zemeinko Igokundearen Andra Mari eleizan izango da jarduera eta 500 lagunetik gora batuko dala aurreikusten da. Gehienak, lurraldeetatik (bikaritzak) atarako diran autobusetan joango daia. Ez da ezustekoren bat edo beste faltako goizeko 11:00etatik aurrera Euskadiko eleizarik handienetakoan egingo dan ekitaldian. Ekitaldi nagusi horretan Juanjo Elezkano abade eta abeslariak …

27.09.2023

Zornotzan be egingo da 'Bizkaia isilik' bilkura isila etorkinei alkartasuna erakusteko

Abuztuko etenaldiaren ostean, gaur, barriro egingo da 'Bizkaia isilik' bilkura, betiko lekuetan, "etorkin eta errefuxiatuek jasaten dabezan bidegabekeriak salatzeko". Hilabete honetan, gainera, joan dan domekaz, Etorkin eta Errefuxiatuaren Eguna ospatu da, “Libres de elegir si migrar o quedarse/Migratzeko edo geratzeko aske” goiburuaren haritik. Arratsaldeko 19:30etan egingo dira bilkurak, ondorengo leku honeetan: Bilbon, Arriaga plazan; Portugaleten, Gregorio Uzquiano kalean; Barakaldon, Bide Onera plazan; Galdakaon, Iturriondo plazan; Durangon, Andra Mari eleizpean; Balmasedan, San …

26.09.2023

"Fair Saturday" saria Labayrurentzat

Labayru Fundazinoarentzat izan da aurtengo "Fair Saturday" saria. Autormen honeek Bilbon sortu ziran 2017an, "arte eta kulturaren bidez gizartean zirrara eragiteko gauza izan dirala erakutsi baben norbanako eta gizataldeen ekimenak maila internazionalean autortzeko". Igone Etxebarria Labayru Fundazinoko zuzendariak jaso eban saria atzo, Guggenheim Bilbao museoan ospatu zan ekitaldian. Hona hemen aurtengo beste saritu batzuk: Brittany Butler Harvard SICIko zuzendari eragilea (Boston); Chi-chi Nwanoku Chikene Orchestraren sortzailea (Londres); James Rhodes piano-jole eta idazlea (Londres);

26.09.2023

Parte hartu gura dozu Ipar-Hegoa alkartasun ikastaroan?

Eleizbarrutiko Teologia eta Pastoraltza Institutuak, Cáritas Bizkaia erakundearen lankidetza-egitasmoagaz eta Eleizbarrutiko Misinoen Ordezkaritzagaz batera, Ipar-Hegoa alkartasun ikastaroa jarriko dau martxan aurton be. Hezteko gogoa, jakin-mina eta Ipar-Hegoa alkartasunerako erakunderen baten konpromisoa hartzeko gogoa daben 21 urtetik gorakoentzat da. 

25.09.2023

"Gatz eta Argi" komunidadeak kurtsoari hasiera emon deutso

"Gatz eta Argi" komunidadeko kideak asteburuan alkartu dira Begoñako Gogarte Etxean kurtsoari hasiera emoteko. "Nortasuna eta misinoa zerbitzatzeko. Bidean dan komunidadea" goiburuaren haritik, hogeta hamar lagun inguruk aurrez aurre dabezan erronkei eta datozan hiru urteetan garatu beharreko jardunbideei buruz gogoeta egin dau.

25.09.2023

Asteburuko irudiak

Asteburuan ospatu da Etorkin eta Errefuxiatuaren Munduko Eguna.  Atzo -domeka-, presoen zaindari dan Mesedetako Amaren eguna izan zan eta Kerman Lopez bikario nagusia buru izan zan Basauriko kartzelan, Bidesari alkarteko eta Kartzela Pastoraltzako taldeko kideak bertan zirala ospatu zan Eukaristian. Gotzaina, Loiuko mesedetako monjen etxean ospatu zan Eukaristian izan zan buru. Beste alde batetik, zapatuz eratu zan Areeta-Romo Pastoral Barruti barroa.

25.09.2023

Latinoamerikar, afrikar eta txinatar alkarteen ospakizuna

Justo eta Pastor Santuak parrokian ospatu zan atzo Bilboko Eleizbarrutiko latinoamerikar, afrikar eta txinatar alkarteen baterako Eukaristia. Eleizkizun hau, Etorkin eta Errefuxiatuaren Munduko 109. Egunean egin zan, “Libres de elegir si migrar o quedarse / Migratzeko edo geratzeko aske" goiburuaren haritik. Berrehun lagun inguru batu zan Fernando Marcos Ayjon Bilboko bikarioa buru zala egin zan ospakizunean.
25.09.2023

Ospakizun "eder eta jentetsua" Areeta-Getxo Pastoral Barruti barrian

Joan dan zapatuz eratu zan Areeta-Romo Pastoral Barruti barria, Areetako Mesedetako Ama parrokian. On Joseba Segura Eleizbarrutiko gotzaina izan zan buru eleizkizunean. Eleiza lepo bete zan Pastoral Barrutia osatzen daben parrolia eta alkarte erlijiosoetatik etorrita, hain zuzen be, Romo-Getxoko Mesedetako Ama eta Santa Ana eta San Jose Langilea parrokietatik eta Javerianak, Erreparatzaileak eta Jainkozko Artzainaren Amaren Kaputxinoak lekaimeen alkarteetatik eta Jainkozko Artzainaren Ama ikastetxetik.

25.09.2023

Eleizbarrutiko erakundeak Ondarearen Europako Jardunaldietan

"Ondarea bizirik, patrimonio vivo, patrimonio inmaterial", goiburuagaz aurkeztu ditu Bizkaiko Foru Aldundiak Ondarearen Europako Jardunaldien XXIII. ekitaldia BIzlaian. Kultur ekitaldiok urrian ospatuko dira, askotariko ikuskizunak eskainiz: ibilaldi gidatua Santa Agedara, berbaldi-kontzertua Begoñan organo-kontzertu bat zelan prestatzen dan ikusteko edo tailer-berbaldia Bizkaiko Eleizaren Historia Artxiboan, besteak beste. Agenda kontsultatzeko eta lekuak online gordetzeko: www.ondareabizkaia.eus