Barriak
Etiquetado como: Somorrostro Ikastetxea
Gotzaina senar-emazteakaz alkartuko da Areetan
VI. bikaritzako "ezkontza aurreko ikastaroetan" laguntzailek eskaria egin deutse gotzainari gaur -zapatua-, Areetako Santa Ana parrokiako lokaletan ospatuko dan topaketara joateko. Hainbat senar-emaztek eta alargunen batek osatutako talde hau arduraten da bikaritzako ezkontza aurreko batzarrez. Aldizka batzarrtzen dira eta kurtso amaieran ebaluazinoa egin ebenean, gotzaina saio batera gonbidatzea pentsatu eben, euren jardueraren barri emoteko eta Eleizari buruko gaurkotasunezko gaien inguruan solasean jarduteko.
Barrualdean hiru harkaitz erraldoi dituan ermita
Hilaren 30ean, kurtsoaren hasierako ekitaldian, bisita gidatuak egingo dira, besteak beste Arretxinagako San Migel ermitara. Ermita paregabea da Euskal Herrian eta bitxikeria mendebaldeko kristautasunaren eremuan. Geologoen arabera, barrualdeko harri-multzo hori izadiaren kapritxoa da, lekuko testuinguru geologikoan erraz azaldu daitekena. Halanda be, hainbaten urstez, historiaurreko dolmena da, kristautasuna hedatzean sagaratutakoa eta erlejino barrian txertatutakoa. Kontuak kontu, ermitara sartzean, bertan ikusten danak zirrara eragiten dau.
'Paperak gordetearen garrantzia' eztabaidagai Valentzian
Gaur amaituko da Espainiako Eleizaren Agirizainen Alkartearen XXXIII. Biltzarra, Astean zehar ospatu dan Biltzarrean, Eleizaren artxibo eta ondareari lotutako hainbat adituk parte hartu dau, tartean, hizlari lanetan jardun daben Bilboko Eleizbarrutiko Ordezkariak. Anabella Barroso Bizkaiko Eleizaren Historia Artxiboko (BEHA) zuzendariagaz batera, han izan dira Maria Fernandez-Hierro Martinez abokatu eta Eleizbarrutiko lege-aholkularia, Igone Etxebaria Zamalloa Labayru Fundazinoko zuzendaria eta Akaitze Kamiruaga Garitaona Labayru Fundazinoko kultur arduraduna eta zuzendariordea.
Markina-Xemeingo karmeldarrak, ondare kultural eta erlijiosoaren zaindari
Karmeldar Oinutsen Markina-Xemeingo alkartan zortzi fraile bizi dira.Julen Urkiza idazle oparoa da nagusia eta honek 'Karmel' agerkaria zuzentzen dau 1984tik hasita. Argitaratu barri dan 323. alean, Bizkaian zein Gipuzkoan aurkitu daitekezan lehenengo kristauen arrasto arkeologikoen mapa agertzen da gai nagusi lez. Argitaratutako katalogoan, Basauriko Finagako ermitako nekropolia nabarmentzen da. Hantxe aurkitu ebezan Euskal Herriko kultu-lekurik zaharrenetakoaren (V-VIII. gizaldiak) arrastoak.
Izena emon dozu Markinan ospatuko dan kurtso hasierako jardueran?
2023-2024 pastoral kurtsoari hasiera emongo deutsan 'Goazen!' jarduera Markinan ospatuko da irailaren 30ean, zapatuz, "Bagara. Comunidad acogedora e inclusiva" goiburuaren haritik. Izena emoteko, esteka honetan sartu hilaren 20a baino lehen.
Ikasturtearen hasiera EBI sareko ikastetxeetan
Egunotan, EBI sareko ikastetxeek heziketa-ardatz argiakaz ekin gura deutse ikasturte barriari, "besteak beste, adin txikikoaren babesean, nazioartekotzerako heziketa-ereduetan, digitalizatzean, emozinozko heziketaren garapenean eta Bilboko Gotzaitegiaren menpe diran ikastetxe eta ikastolei beren-beregi dagokien eleizbarrutiko nortasunean aurrera egiteko helburuagaz"
Caritas Bizkaia Marokogaz
Joan dan barikuz, irailak 8, Marokon lurrikara itzela gertatu zan; 7 graduko magnitudea izan eban Richter eskalan eta epizentroa Marrakechen eban. Hainbat herri geratu da suntsituta, 2.800etik gora dira hildakoak eta milaka zauritutakoak. Zapatu goizean bertan, Caritasen eta Eleiza katolikoaren lekuko taldeak zoritxarraren ondorioak baloratzen hasi ziran. Caritas Rabatek be bat egingo dau larrialdi honen aurreko bat-bateko erantzunagaz. Caritas Bizkaia erakundeak Caritas Konfederazinoaren bidez bialduko dau laguntasuna honek hamarkadak daroaz-eta Caritas Marokori laguntzen etorkinen …
Gotzain Kontseilu zabalaren kurtsoko lehenengo batzarra: agurrak eta kide barriak
Atzo ospatu zan Gotzain Kontseilu zabalaren kurtsoko lehenengo batzarra. Gotzaina buru dauan erakunde honek Eleizbarrutiaren gobernuan laguntzen dau. 2021ean martxan jarri zan talde honetan, aurpegi barria dago, hain zuzen be, 11 urtez Caritas Bizkaia erakundeko zuzendari izan dan eta Eleizbarrutiko Idazkari Nagusi izendatu barri daben Carlos Bargosena. Beste alde batetik, bidezko azterketaren ostean, beste norbait sartuko da taldean, Marisa Arias ez da-eta bertan izango, mandatuz aldatu daualako. Lehenengo saioan, gainera, Nerea Begoña EBI sariko ikastetxeen arduradunak eta Dorleta Alberdi …
Eleizbarrutiko ordezkaritza Agirizainen Biltzarrean, Valentzian
Bihartik -irailaren 12a, martitzena- barikura arte -irailak 15- ospatuko da Valentzian Espainiako Eleizaren Agirizainen Alkartearen XXXIII. Biltzarra. “Eleizaren artxiboak eta ondarea" goiburua aukeratu dabe biltzarraren aurtengo ekitaldirako eta egitarauan gure Eleizbarrutiko ordezkarien partaidetza aurreikusten da.
Astekoak, Eleizbarrutiko asteko barriak
Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org