Barriak
Etiquetado como: Gotzain Kontseilua
Bidezko merkataritza eta 'mundu guztiari on egiten deutsana'
"Mundu guztiari on egiten deutso" goiburuagaz ospatuko dau, gaur, KIDENDAk (Cáritas, Misinoak eta Alboan erakundeen ekimena Bizkaian), Bidezko Merkataritzaren Munduko Eguna. Horretarako, Bidezko Merkataritzarako Bizkaiko hainbat alkartek eta Bilbao eta Portugaleteko udalek hainbat jarduera antolatu dabe.
Mesedetakoen Loiuko ikastetxearen mendeurrena
Mesedetako Andra Mari ikastetxeak, agaur egun Loiun dagoanak, mendeurrena ospatzen dihardu. Ehungarren urteurrena ospatzeko antolatutako ekitaldien artean Eukaristia dago eta bihar -zapatua- ospatuko da goizeko 11:00etan, ikastetxeko kaperan, On Joseba Segura gotzaina buru dala.
Autorpena Uriarte gotzain erretiratuari bere 90. urtebetetzean
Datorren ekainaren 7an, On Joan Maria Uriarte Donostiako gotzain erretiratuak 90 urte beteko ditu. Eleizbarrutiak autorpena egin eta egun hori beragaz ospatu gura dau. Hori dala-eta, datorren ekainaren 9an, esker oneko Eukaristia ospatuko da eguerdiko 12:00etan Begoñako basilikan eta zuzenean emongo da web honen bidez. Ordu bietan, bazkaria egingo da Eleizbarruti osoarentzat Seminario jatetxean. Ekainaren 2a da bazkarirako izena emoteko eguna. Gehiago jakiteko eta erreserbak egiteko: smediavilla@bizkeliza.org edo 94 466 79 79.
Ekainean, "Mariaren Legioak" erromesaldia egingo dau Lourdesera
"Mariaren Legioa" mobimentuak Lourdesera erromesaldia antolatu dau ekainaren 10 eta 11rako eta erromes joan gura dauan edozeinek emon leike izena. Oraindik geratzen da lekuren bat Bilboko erdigunetik eta Basauritik atarako dan autobusean. Prezioa, 115 eurokoa da eta barne hartzen ditu bidaiak, ostatua eta mantenu osoa. Gehiago jakiteko eta izena emoteko, 635 714 006 telefonora (Pedro) deitu.
Gotzainaren berbak lanari eta honen inguruko galderei buruz
"Lanaren eraldaketa" MIntegia azken txanpan sartuko da gaur, maiatxak 11, On Joseba Segura Bilboko gotzainaren berbaldiagaz. Arratsaldeko lauretan hasiko da ekitaldia eta Domingo Sugranyes Mintegiaren zuzendariak erantzungo deutso gotzainaren jardunari. Azken urte biotan adituen batzordearen eskutik garatutako saioei amaiera emongo jake, beraz, eta ondorioak ekainaren 22an ospatuko dan azken saioan aurkeztuko dira. Berbaldi hau eta ondorengo azalpenak online jarraitu daitekez Paulo VI.a Fundazinoaren Youtube kanalean.
Kristautasun eta militantzia politikoaren inguruko mahai-ingurua
Maiatzaren 28ko hauteskundeak dirala-eta, Ekintza Katolikoko Langile Hermandadea mobimentuak (HOAC) mahai-ingurua antolatu eban. Sei ordezkari politikok jandun eben Santurtziko Kabiezeseko San Pedro parrokian, kostaldeko herriko hainbat parrokiatako hogeta hamar eleiztar inguru eta HOACeko hainbat militanteren aurrean.
Durangoko basilikako organoak 80 urte bete ditu
Organoaren doinuak gustuko dabezanek aukera ederra izango dabe New Yorkeko St. John the Divine katedralean egoiliar dan David Briggs organistari entzuteko. Kontzertu bi eskainiko ditu Bizkaian, lehenengoa, datorren barikuz Durangon, basilikako organoaren inaugurazinoaren 80. urteurrena ospatzen dala-eta, eta bigarrena, Bizkaian bisitari gehien jasotzen dauan basilikan, Begoñan. Kontzertu biak doan izango dira.
Vijayapurameko gotzain indiarrak bisita egin deutso Bilboko gotzainari de Bilbao
On Joseba Segura Bilboko Gotzainak harrera egin deutso gaur goizean Mons. Sebastian Thekethecheril, Indiako Kerala estatuko Vijayapurameko gotzainari. Indiako gotzainagaz batera, Anosh eta Ajith bere Eleizbarrutiko abadeak etorri dira gotzaitegira, Abadeok denpora daroe Gasteizko Eleizbarrutian pastoralgintzan.
Alkarkutxak 50 urte bete ditu
"`Alkarkutxa’ parrokia arteko alkartasuna gauzatzeko bidea da", aldarrikatu eban oraintsu Jose Miguel Erdozain Eleizbarrutiko ekonomoak ekonomia arloko boluntarioen aurrean, Bilboko Karmeneko Ama parrokiako areto nagusian ospatu zan ekitaldian. La Caja Diocesana de Compensación-Alkarkutxak Urrezko Ezteguak ospatzen ditu aurton. Izan be, 1973an sortu zan Bilboko Gotzaitegiaren erakunde lez eta une horretan hauxe zan bere helburua: "Gotzainen Batzarretik etorritako bitartekoak, eta parrokien eta pastoral eskualdeen ekarpenak eta eleiz gizonen eta laikoen emote pertsonalak, administratzea. …
Irakasle Eskolako ikasleen alkarrizketa gotzainagaz
'Begoñako Andra Mari' Irakasleen Unibertsitate Eskolako ehun ikasle inguruk alkarrizketan jardun dau Eleizbarrutiko gotzainagaz. Erlejinoko irakasle izateko gaitsuna emoten dauan GAEA heziketako hirugarren kurtsoko ikasleek gaurkotasun-barrien inguruko hainbat galdera egin deutse gotzainari. Batzar trankil eta bat-batekoa izan da, Belen Rodero Eleizbarrutiko ikasegiko pastoral arduradunaren esanetan, "gotzainak ez dau-eta galderak aurretik ezagutzerik nahi izan". Ikasleek eskertu egin dabe gotzainaren "hurkotasun eta zintzotasuna", eta askotariko galderak egin deutsez, pertsonalak eta …