Barriak
Etiquetado como: Gotzain Kontseilua
Gotzain Kontseiluak kurtsoari hasiera emon deutso
Gaur -martitzena-, gotzaina buru dala, Eleizbarrutiaren gobernuan esku-hartzen dauan Bilboko Eleizbarrutiko Gotzain Kontseilu zabalak kurtsoko lehenengo batzarra ospatzen dihardu. Kurtso barriari begira eskuartean dabezan gai nabarmenak aztertuko dabez, besteak beste, Eleizbarrutiaren 75. urteurrenaren ingurukoak. Derion, irailaren 28an ospatuko dan 'Goazen 2024' ekitaldian …
Estrella Morenok be parte hartuko dau Gotzain Kontseilu zabalean
Atzo -martitzena- batzartu zan Gotzain Kontseilu zabala eta bertan izan zan Estrella Moreno Laiz kontseilari barria. Estrella, Eleizbarrutiko Teologia eta Pastoraltza Institutuko (ETPI) zuzendaria da eta kontseilu honetako kide barri da joan dan astean lehenengo aldiz batzarrean parte hartu eban Carlos Bargos Eleizbarrutiko Idazkari Nagusiagaz batera. Juanma Seco eta Marisa …
Gotzain Kontseilu zabalaren kurtsoko lehenengo batzarra: agurrak eta kide barriak
Atzo ospatu zan Gotzain Kontseilu zabalaren kurtsoko lehenengo batzarra. Gotzaina buru dauan erakunde honek Eleizbarrutiaren gobernuan laguntzen dau. 2021ean martxan jarri zan talde honetan, aurpegi barria dago, hain zuzen be, 11 urtez Caritas Bizkaia erakundeko zuzendari izan dan eta Eleizbarrutiko Idazkari Nagusi izendatu barri daben Carlos Bargosena. Beste alde batetik, …
Kurtsoko azken Gotzain Kontseilua, Berrizen
Berrizko Mesedetakoek Berrizen bertan daukien Barnezabal Gogarte Etxean ospatuko dira gaur eta bihar Gotzain Kontseiluaren kurtso honetako azken saio biak. Kide guztiek -Eleizbarrutiko gotzaina, bikario nagusia, lurraldeetako bikarioak, Juanma Seco idazkari nagusia eta Marisa Arias (Laikotzarako Idazkaritzako zuzendaria), Manu Moreno (Karidade eta Zuzentasunerako ordezkaria …
Naiara Trifol eta Pakembak 75. urteurreneko kantua abestuko dabe BECen
Eskaut taldeetako kideek osotutako Pakemba taldeak girotuko dau 'Eleiza plazara' azoka, arratsaldez ospatuko dan erromeria. Eszenatoko nagusian joko dabe 25:30etatik aurrera. Momentu baten, Naiara Trifol igoko da eszenatokira eta `Geroa Marraztu´ 75. urteurreneko kantua abestuko dabe.
"Gaixotasunean, itxaropena", berbaldia Gaixoaren Pazkoa dala-eta
Maiatzaren 25ean, Pazko aldiko VI. domekaz, Eleizak Gaixoaren Pazkoa ospatuko dau. Karidade eta Zuzentasunerako Ordezkaritzan dagoan Osasun Pastoraltzarako sailetik dei egin dabe astelehenerako -maiatzak 19- antolatu daben berbaldian parte hartzera. Barria eraikineko areto nagusian izango da, 17:00etan eta Estrella Moreno Eleizbarrutiko Teologia eta Pastoraltza Institutuko (ETPI) zuzendariak "gaixotasunean, itxaropena" gaiaren inguruan jardungo daualarik. Biharamunean, martxoak 20, Eukaristia ospatuko da Begoñako basilikan, 17:30etan, Kerman Lopez bikario nagusia buru dala. Web honetatik …
'Eleiza plazara' ekialdiagaz 4.000 gara Youtuben
Bilboko eleizbarrutiaren 75. urteurrena ospatzeko maiatzaren 17an BECen ospatuko dan Eleizea plazara ekitaldiaren atarian, 4.000 harpidedun gara YouTube kanalean. Zapatuko azokan, jente-kopuru bera batuko dala uste da.
Julio Gomezen berbaldia: "Heriotzaren prozesu fisiko eta erlijiosoa"
Santurtziko San Juan de Dios ospitalean zainketa aringarrien arloan aditu zan Julio Gomez medikuak berbaldia eskainiko dau bihar -maiatzak 15, eguena- arratsaldeko seietan, agustindarren Lekeitioko komentuan. "Heriotzaren prozesu fisiko eta erlijiosoa" goiburuaren haritik jardungo dau Lekeitioko Andra Mari parrokiak, Santurtziko San Juan de Dios ospitalearen laguntzagaz, maiatzaren 25ean, Pazko aldiko VI. domekaz, ospatuko dan Gaixoaren Pazkoaren inguruan.
4.000 ostia zapatuko meza jentetsurako
Datorren zapatuz, meza jentetsua ospatuko da Bizkaian. Ordu batean izango da Bilbao Exhibition Center erakustazokako (BEC) 3. pabiloian, "Eleizea plazara" azokan. Aita santu barriaren bisita bat baino gehiago izan daben Santa Monika monasterioko monja agustindarrak dira Bilboko eleizbarrutian ostiak egiten dabezan bakarrak. Hilean 50.000 ale inguru ataraten dabe euren makinetatik hainbat eleizbarrutitan banatzeko. Bizkaiko Eleizak 4.000 forma eskatu deutsez oraingoan. Jane Severin nagusiak azaldu dau formak zelan egiten diran eta aita santu barriaren izendapenaren inguruan daben eretxia, …
Eleiz Museoak BECeko azokan ospatuko dau bere eguna
Eleiz Museoak "Eleiza plazara' azokan jarriko dauan standean ospatuko dau Museoen Nazinoarteko Eguna. Ekitaldia datorren zapatuz ospatuko da BEC erakustazokan eta bertan 90 estandetik gora jarriko da eta, zazpi orduz, askotariko jarduerak izango dira, besteak beste, 30 tailer, 8 emonaldi eta 45 berbaldi edo dinamika. Adin guztietako lagunentzat pentsatuta dago Bilboko eleizbarrutiaren 75. urteurrena ospatzeko prestatu dan ekitaldi nagusi hau.
"Kanpoaldetik nator. Pobreaz, kanporatuaz, jazarriaz hitz egitean, ez naz teoriatik ari, barru-barruko esperientziatik baino"
Atzo arratsaldez, Bilboko San Luis Beltran eleiza jentez lepo bete zan Manuel de Jesus Heredia Noriegaren diakonogintzarako eleizkizunean parte hartzeko. Eukaristian, On Joseba Segura eleizbarrutiko gotzaina buru izan zan eta 30 abade inguruk alkar-meza emon eben. Eleizkizunean izan ziran Manuelen senideak, diakonoak, adiskideak eta orain dala 17 urte inguru Bilbora heldu zanetik ezagutu dauan jentea, besteak beste, Vida ascendente/Bizian gora mobimentuko kideak -Manuel kontsiliarioa da- eta Eleizbarrutietako Misinoetakoak, urtarriletik aurrera ordezkari da-eta.
Bizkaiko HOAC Urduñan batu zan atzo
HOAC mobimentuaren eguna zala-eta, Bilbao eta Gasteizko eleizbarrutietako militanteak, senideak, jarraitzaileak eta sarbideko kideak Urduñan batu ziran atzo. Alkartze, jai eta aldarrikapenerako egunean, "barriro alkarte izaten ikasteari" buruz gogoeta ebin eben kristau langileen mobimentuak bultzatzen eta garatzen diharduan "lana zaindu, bizia zaindu" kanpainaren harira.
CONFER erakundearen erretiroa: "bokazinoa, misterio, doe eta egiteko lez"
Bokazinoen aldeko Munduko Otoitz Egunaren eta Sorterriko Bokazinoen Egunaren bezperan, zapatuz, eta CONFER-lekaide eta lekaimeen batzordeak antolatuta, Pazko aldiko erretiroa ospatu zan Bilbon, Luis Mª Vegak gidatuta.
Otoitzaldia eta "pintxopote" solidarioa, Sestaon, eta lasterketa, Mundakan
Joan dan zapatuz, LGTBQ+gorrotoaren aurkako otoitzaldia ospatu zan Sestaon, Pastoral Barrutiak (PB) antolatuta. Eta atzo -domeka-, Sestaoko umeen katekesiko familiek urtero antolatzen daben "pintxopote" solidarioa egin eben. Gainera, Mundakan, ehun lagun inguruk parte hartu eban Santa Katalina ermitaren inguruan ospatu zan "milian".