Barriak
Etiquetado como: Bilboko Koral Alkartea
Andoni Erkoreka abadea hil da, "gizon alai, apal eta ona"
Atzo hil zan Bilbon Andoni Erkoreka Ugalde Eleizbarrutiko abadea 88 urte ebazala. Bere arimaren aldeko hileta-eleizkizuna gaur arratsaldez ospatuko da Errigoitiko Andra Mari parrokian, 18:00etan, Jose Mari Kortazar V. bikaritzako lurralde bikarioa buru dala. Urteera-meza, maiatzaren 14an izango da.
Hiru abadegaik akolito-ministerioa hartuko dabe domekaz
"Lotu bideari. Ez gehiago itxaron" goiburuaren haritik ospatuko da datorren domekaz, apirilak 30, Pazko-aldiko IV. domeka, Bokazinoen aldeko Munduko Otoitz Eguna eta Sorterriko Bokazinoen Eguna. Bilboko Eleizbarrutian, domekan bertan, 18:00etatik 19:00etara, bokazinoen aldeko otoitzaldia ospatuko da Seminarioan (Zabalbide) eta, ondoren, 19:00etan, On Joseba Segura buru dala ospatuko dan Eukaristian, Juan Reyero, Gaizka Egaña eta Marco Antonio Muñoz abadegaiek akolito-ministerioa hartuko dabe.
Laneko behin-behinekotasuna salatuko dabe gaur 'Bizkaia isilik' bilkuretan
Gaur be, hilaren azken eguaztena izanda, 'Bizkaia isilik' bilkurak ospatuko dira ohiko leku eta orduan, etorkin eta errefuxiatuek jasaten dabezan bidegabekeriak agertzeko eta salatzeko. Arratsaldeko zazpiak eta erdietan izango dira, Bilbon, Arriaga plazan; Portugaleten, Gregorio Uzquiano kalean; Barakaldon, Bide Onera plazan, Galdakaon, Iturriondo plazan; Durangon, Andra Mari eleizpan; Balmasedan, San Severino plazan eta Getxon, Telletxe plazan (metroaren ondoan).
Egitasmoa 'mezari' lotuta
Bilboko Eleizbarrutiak datozan urteetarako landu dauan ibilbide-orria ahalik eta eleiztar gehiengana helarazotea da Egitasmoaren sustapenerako taldearen asmoa. Ahalegin horretan, atzo Zornotzat batzartu zan taldekideek azaldu dabenez, "eta domekaz mezetara doan lagun askok prozesuan ez dauala parte hartu jakinda, informazino gehigarria eskainiko jake eta dei egin, eurenganatu eta garatu leiken ekintzaren bategaz konprometitu daitezan". Horretarako, agerkari berezia prestatu da, Alkarren Barri - Comunicación aldizkariaren erdiko orrialdeetan be argitaratuko dana, Egitasmoaren jardunbideen …
2.000 legunetik gora Gorka Deunaren eguneko eskauten ospakizunean
Bi mila lagunetik gora batu zan Bilbon, atzo -domeka-, Gorka Deunaren eguneko Bizkaiko eskauten jaian. Euskalerriko Eskautak Bizkaia mobimentuak "B plana" aktibatu eban, iragarritako eguraldia eskasa zan-eta. Horregaitik, jaia, aurreikusita egoan lez Avril mendian ez ezik, Begoñazpi ikastolan ospatu zan.
Asteburuan, misinoak eta musika buztartuta
Asteburuan, Misino-abestiaren 43. Jaialdia ospatu da Eleizbarrutian, “Muga bako kristauak” erakundearen eskutik. Estatuko 15 Eleizbarrutitik etorritako 600 lagun inguruk parte hartu dau ekitaldian. Zapatu goizez, Indautxu plazan alkartu ziran agintarien aldetik jaso eben harreragaz eta atzo emon eutsen amaiera jaialdiari, Santiago katedralean, On Joseba Segura gotzaina buru zala ospatu eben Eukaristiagaz. Argazkiak: hemen. Gainera, bariku arratsaldez, Bilboko Koral Alkarteak kontzertua eskaini eban Abandoko San Bizente Martiria eleizan, Euskal Eleizbarrutietako Misinoen 75. urteurrena …
Gizalegezko Lanaren aldeko "zeinua"
“Lana Bizigai. Trabajo Decente-Trabajo Saludable” goiburuaren haritik ospatu zan atzo -apirilak 23, domeka-, Eleizbarrutian, Gizalegezko Lanaren aldeko III. Eguna. Lanaren eremuan bizia zaintzea ezinbesteko dala nabarmendu gura izan zan. Langile Pastoraltzatik laneko ezbeharren biktimen eta gizalegezko lanaren aldeko zeinua egitea proposatu eben, hain zuzen be, minutuko isilunea egitea.
Bokazino Pastoraltzari buruzko berbaldia Carlos Gomez Virseda jesuitaren eskutik
Artzain Onaren Domekaz -aurton, apirilaren 30ean-, Bokazinoen aldeko Munduko Otoitz Eguna ospatuko da, sortu barri dan Bokazino Pastoraltzarako Gotzainen Batzarreko (EGB) Zerbitzuak sustatuta eta antolatuta. Egun berean ospatuko da Sorterriko Bokazinoen Eguna be, Aita Santuaren ardurapeko Misino-egintzak (OMP) erakundeak antolatuta. Hori dala-eta, hainbat jarduera antolatu da Eleizbarrutian, besteak beste, bihar -apirilak 25, martitzena-, Begoñako gogarte etxeko areto nagusian, 19:00etan Carlos Gomez-Virseda jesuita, misiolari eta medikuak eskainiko dauan berbaldia: "Bokazino Pastoraltzaren …
Eleizbarrutiko asteko barriak
Astean zehar webgunean argitaratutako barri nagusiak laburbilduta eskaintzen deutsuguz. Bizkaiko Eleizan asko dira aurrera eroaten diran ekimenak eta webgunean euron arteko batzuk baino ez dira batzen. Zure parrokian, erakundean zein eleiz alkartean gertatzen danaren barri emoteko helbide honetara idatzi zeinke: komunika@bizkeliza.org
Eleizbarrutiko Teologia eta Pastoraltza Institutuko liburutegian maileguan gehien emon diran 10 liburuak
Bihar -apirilak 23, domeka-, Liburuaren Nazinoarteko Eguna (eta Egile-eskubideena) ospatuko da. UNESCOk izendatu eban egun hau 1995ean, kultura unibertsaleko talentu biri autorpena egiteko, hain zuzen be, apirilaren 23an zendu ziran Miguel de Cervantesi eta William Shakespeareri. Eleizbarrutiko Teologia eta Pastoraltza Institutuko (ETPI) liburutegiko arduraduna dan Marian Cantonek azken hilabeteetan maileguan gehien emon diran 10 izenburuak emon deuskuz. Bere esanetan, "jaso dogun fedea zabaltzeko prestasuna eta ardura dogula esan geinke, orain be, 'Galileara itzuli' guran gagoz historiaren …