Ekanaren 25etik aurrera, Bilboko eleizbarrutian esperientzia aparta bizi izango da: BizkaiBira. Eleiz errealitate desbardinak alkartzea eta alkarregaz otoitz egitea da ekimenaren helburua. Era berean, Bizkaiko izadia eta kultura material eta immateriala ezagutzeko aukera emongo dau.
Ekainaren 20an amaituko da izena emoteko epea
Ibilaldian parte hartu gura dauanak iOS zein Androiderako prestatutako aplikazino ofizialean emon behar dau izena. Antolakuntzatik aholkatu dabenez, app-a jatsi eta partaide bakotxari ondoen jatorkon formatuan izena emotea da egokiena. Ekainaren 20ra arte dago zabalik izena emoteko epea, beraz, aukera aprobetxatzeko unea da!
Bizkaiko bikaritza eta alkarteak zeharkatuko dituan ibilbidea
BizkaiBira ez da ibilaldia bakarrik, Bizkaiko bikaritza eta lurralde gehienak zeharkatuko dituan osoko esperientzia baino. Etapa bakotxean, alkarrizketa, otoitza eta bizikidetza sustatuko dira partaideen artean, parrokia alkarteen arteko loturak estutuz eta eleizbarrutiko eleiz bizitza agerian jarriz.
Beste batzukaz batera fedea bizitzeko eta izadiaz gozatzeko aukera
BizkaiBira fedea mobimentuan, Bizkaiaren edertasunaz jabetuz eta hainbat lekutako jentea bidelaguntzat hartuz, bizitzeko deia da. Alkarte-sena barritzeko, otoitzean sakontzeko eta etaparen helmuga izango diran parrokia eta alkareen abegiaz gozatzeko aukera da.
Interesguneak
Egunez, Bizkaiko geografiako hainbat interesgune bisitatuko da. Alkarren Barri aldizkariak horreetako batzuen barri emon dau kurtso honetan.
