Datorren apirilaren 6an Sevilan jokatuko dauan kopako finala dala-eta, Athletic taldeari babesa eskaini gura jako, Seminario Zentrumetik azaldu dabenez. Ikusgai jarri nahi izan dabe Txorierri bailaran. Zamudioko parke teknologikorako eta Ugaldeguren eta Torrelarrangoiti industrialdeetarako bidean dago eta makina bat auto igaroten da inguru horretatik eta baita Loiuko aireportutik aireratzen eta bertan lur hartzen daben hegazkinak be.
Hainbat profesionalen lanaren emaitza da
Seminario Zentrum
Derion, 50.000 metro karratuko azalera hartuz, enpresa, kultura, heziketa, alkartasun, aisialdi arloko jarduerak batzen ditu.
70 enpresa dagoz, hotela, jatetxea, padel- eta golf-alkarteak, Bizkaiko Eleizaren Historia Artxiboa, Historiaren Ezagutza Aurreraturako Zentroa (Icaro), Adiskidetasunaren basoa, areto-nagusia, Irakasleen Unibertsitate Eskola. Labayru fundazinoa eta hezkuntza berezirako zentroa.
Orain dala gitxira arte, Athleticeko jokalarien egoitza egon zan bertan (gaur egun, Lezaman) eta bertan egondakoa da gaur egungo jokalarien %40a, besteak beste, Iker Muniain, Iñaki Williams, Unai Simon, Julen Agirrezabala, Dani Vivian, Yuri Berchiche, Iñigo Ruiz de Galarreta, Oihan Sancet, Gorka Guruzeta eta Beñat Prados.
