Argazkiez, gertaera gogoangarriez eta idazkiez osotutako erakusketak 75eko gertaera esanguratsu batzuk jasoten ditu.
Paneletan, QR kodeak dagoz; horreen bitartez ikus-entzunezko materialetara sartzeko aukera emoten da, hain zuzen be, beren-beregi 75. urteurrenerako prestatu dan webgunean agertzen dan denporaren-lerroak azaltzen dauan eleizbarrutiko historiara.
Edukiak
Lehenengo panelan, eleizbarrutiaren historia aurkezten da. Atzera egin beharra dago lehenengo arrastoak aurkitzeko, arkeologia-indusketek, gorde izan dan historia-arte ondareak, agiriek eta sakramentu-agiriek agertzen dabenez.
Parrokiek, kofradiek, kongregazinoek eta alkarteek Bizkaiko kristau alkartearen garrantzia islatzen dabe. Ermita eta eleizek, askok patronatu laikoa dau, eratu eben herritarren eremua eta bizitza osoa.
Hamargarren panela, azkena, zuriz dago, “Etorkizunari begira” goiburuagaz, bisitariek euren ametsak idatzi daiezan.
