Barriak

Azaroaren 30etik hasita, bost bisita dagoz progamatuta Galdakaoko Andra Mari eleizara, "herriko ondareko harribitxietako batera", udalak eta Andra Mari eleizak antolatuta. Ekainera arte izango dira, hilaren azken domekaz, 11:00etan -hurrengoa, datorren domekaz, hilak 28-. Doakoak dira eta ezinbestekoa da izena emotea. Nahikoa da eleizara joan eta jardueraz gozatzea.

Javier Novo Gonzalez Kontserbazino eta Ikerketarako Bilboko Arte Ederren Museoko koordinatzaileak berbaldia eskeiniko dau bihar -abenduak 18, eguena-, Eleiz Museoan, "Modernotasun-sena" goiburuaren harira. Novoren berbaldi hau, Eleiz Museoak eta Bilboko Arte Ederren Museoak batera antolatu daben eta joan dan astelehenez, abenduak 15, inauguratu zan aldi baterako erakusketari lotuta dago. Erakusketa horretan, bizkaitar artean aurkitzen diran erlejino-mezuak jasotzen dabezn 60 artelan baino gehiago ikusi daiteke (XIX. gizaldia-XX. gizaldiaren hasiera). 2026ko maiatzaren 10era arte egongo da …

Gaur aurkeztu dabe "Bizkaiaren espiritua - El espíritu de BIzkaia" aldi baterako erakusketa Eleiz Museoan. Bizkaiko Eleiz Museoaren eta Bilboko Arte Ederren Museoaren arteko alkarlanaren emaitza barria da. 2026ko maiatzara arte egongo da erakusketa Eleiz Museoan. 1870 eta 1936 bitarteko 60 bizkaitar artelanok erlejino-mezuak jasoten dabez.

Datorren eguaztenez, azaroak 5, "Arimadun irudiak: kultur kontaketa barriak" ekitaldia ospatuko da Kultur Erakundeen Bilboko eleizbarrutiko Mahaiaren eskutik. Solasgune honetan batuko dira Lara Izagirre zinemagilea. Miguel Zugazaga Bilboko Arte Ederren Museoko zuzendaria eta Xabier Paya kultur kudeatzaile eta bertsolaria. Erakundeetako hainbat ordezkarik parte hartuko dau Kulturaren Oroitzapen-txostenaren aurkezpenaren haritik ospatuko dan ekitaldian, esate baterako, Ana Otaduik (Bizkaiko Batzar Nagusietako presidentea). Leixuri Arrizabalagak (Euskera, Kultura eta Kiroletarako foru …

Bisita gidatuan, lau gizalditako arkitektura-agiriak ikusi ahal izango dira, besteak beste,eleiz eraikinen planoak, egitasmoak, oroitza-txostenak eta aurrekontuak, Bizkaiko Eleizaren Historia Artxiboan. Ekitaldia bihar ospatuko da 16:00etatik 18:00etara eta lekuak mugatuak diranez, ezinbestekoa da aurretik lekua gordetzea 944 062 493 telefonora deituz edo katalog@aheb-beba.org helbide elektronikora mezua bialduz.

Bilboko Eleiz Museoko talde batek, inguruko bikarioagaz alkarlanean, aingeru guardako baten eskultura baliotsua atara dau Sopuertako Beziko San Kosme eta San Damian eleizaren hondakinetatik. Irudia, antxinako kanposantuko sasitzan ezkutatuta egon da dozenaka urtetan, baina, harrigarria bada be, egoera nahiko onean dago. Jose Larrea eskultore bilbotar ezagunaren lana da. Berreskuratu ondoren, Museoan egongo da ikusgai. 

Kultur Erakundeen Bilboko eleizbarrutiko Mahaiaren eskutik ekitaldi berezia izango da datorren azaroaren 5ean, "Arimadun irudiak: kultur kontaketa barriak" goiburuaren harira. Solasaldi hau gura daben guztientzat irekita egongo da eta gure sasoiko kultur kontaketak zelan eratzen diran aztertuko da. EITBren Multibox aretoan izango da eguerdiko 12:00etan, Lara Izagirre zinema-zuzendaraiak, Miguel Zugaza Bilboko Arte Ederren Museoko zuzendariak eta Xabier Paya bertsolariak eta kultur kudeatzaileak esku-hartuko dabelarik. Ezinbestekoa da aurretik izena emotea. 

Ondarearen Europako Jardunaldiak dirala-eta, oraindik aukera dagu gure lurraldeko askotariko eraikinak bisitatzeko. Oraingoan, Arratia bailaran da hitzordua, hain zuzen be Zeanurin, non monumentu erlijiosoen multzo bikaina dagoan. Datorren zapatuz, urriak 11, izango da bisita, 11:00etatik 12:00etara, gura dauanarentzat.

Ondarearen Europako Jardunaldiak dirala-eta, datorren zapatuz, urriak 11, bisita gidatua egingo da Axpe Busturiako Andra Mari eleizara. Eguerdiko 12:00etarak jarri da hitzordua eta dibulgazinozko bideoa ikusteaz gainera, ibilbidea egingo da Juan Manuel Gonzalez Cembellin eta Raquel Cilla Eleiz Museoko adituen eskutik. 

Asteburu honetan, Bizkaiko Foru Aldundiak antolatutako Ondarearen Europako Jardunaldietan, hitzordu aitagarriak doguz. Galdakaon, esate baterako, Andra Mari eleiza bisitatzeko aukera izango da bihar eta etzi, Jesus Muñiz Petralanda historialariaren eskutik. Sopelan, bestalde, Juan Manuel Gonzalez Cembellin Eleiz Museoko zuzendari teknikoak aurkeztuko ditu bihar, 11:00etatik 12:15etara, San Pedro eleizaren ezaugarri eta gorabeherak