Barriak

Karmeldar Oinutsen Markina-Xemeingo alkartan zortzi fraile bizi dira.Julen Urkiza idazle oparoa da nagusia eta honek 'Karmel' agerkaria zuzentzen dau 1984tik hasita. Argitaratu barri dan 323. alean, Bizkaian zein Gipuzkoan aurkitu daitekezan lehenengo kristauen arrasto arkeologikoen mapa agertzen da gai nagusi lez. Argitaratutako katalogoan, Basauriko Finagako ermitako nekropolia nabarmentzen da. Hantxe aurkitu ebezan Euskal Herriko kultu-lekurik zaharrenetakoaren (V-VIII. gizaldiak) arrastoak.

Bihartik -irailaren 12a, martitzena- barikura arte -irailak 15- ospatuko da Valentzian Espainiako Eleizaren Agirizainen Alkartearen XXXIII. Biltzarra. “Eleizaren artxiboak eta ondarea" goiburua aukeratu dabe biltzarraren aurtengo ekitaldirako eta egitarauan gure Eleizbarrutiko ordezkarien partaidetza aurreikusten da. 

Datorren domekaz, irailak 10, Begoñako Ama Birjinaren Itsaspeko Tronuratzearen 60. urteurrena ospatuko da Gaztelugatxeko San Joanen. Domekan bertan, goizeko 11:00etan, hainbat itsasontzi abiatuko da Bermeoko portutik Gaztelugatxeko San Joaneraino eta eguerdiko 12:00etan Eukaristia ospatuko da monolitoan eta, ondoren, lore-eskaintza egingo dabe.

Busturialdeko `Urdaibaiko organoak´ zikloaren barruan abuztuko lehenengo kontzertua izango da gaur Arratzun. Arratsaldeko zortziretan izango da hitzordua. Organo jolea Oliver Schmitt izango da. Beragaz batera trikitixa, panderoa eta alboka..

Orfeón durangués abesbatzak jardungo dau gaur arratsaldez Lekeitioko basilikan. Aurretik, 19:00etako Eukaristia girotuko dau eta meza amaitzeaz batera, 20:00etan, kontzertua izango da, askotariko estiloetako musika entzuteko aukeragaz. Fernando Urain Oñederrak zuzenduko dau eta Maite Molinak (pianoa) eta Andres Tejok (gitarra eta baxua) lagunduko deutse.

Arratia bailarako Zeanuri herrian egitasmo aitzindaria jarri dabe martxan. Parrokiak, auzotarrek eta Nafarroako Unibertsitateko Arkitektura-fakultateak bat egin dabe ondare erlijiosoa zaharbarritzeko. Kasu honetan, herriko hainbat ermita konponduko dabe. Arkitekturako hamabost ikaslek lau ermiten -San Isidro, San Justo, Pietatea, Altzustako San Migel- neurketak eta planoak egin dabez. Egitasmoaren lehenengo aldia amaitu ondoren, lekuan lekuko zaharbarritzeei ekin behar deutse. Angel Larrea institutuko irakasleari bururatu jakon, besteak beste, ideia hau eta bere esanetan, "aukera ona da, …

Datozan hiru domeketan, ETB1en goizeko 10:00 emongo dabezan mezak Berrizen ospatuko dira, hain zuzen be, San Joan Ebanjelaria parrokian eta Txomin Alonso parrokoa buru dala.

Gaur, Lisboan, 1195ean jaio zan Paduko San Antonio santu frantziskotarraren eguna ospatzen da. Bizkaian, Urkiolako santutegian ospatzen da jairik sustraituena eta ezagunena. Halanda be, lurraldeko beste hainbat herritan be gurtzen dabe santu hau. San Antonioren izenpeko ermitak dagoz Zallan, Erandion, Sukarrietan, Mallabian, Iurretan eta Zeberion. Ekaineko beste santuari, San Joan Bateatzaileari eskainitako ermitak, bestalde, Morgan, bermeon, Ajangizen, Ibarrutin, Lekeition, Aulestian, Ondarroan, Berriatuan, Markina-Xemeinen, Berrizen, Mallabian, Elorrion, Garain, Zornotzan, Diman, Igorren, …

'Bilbao hiria' nazinoarteko organo-jaialdiaren XI. ekitaldia maiatzaren 13tik ekainaren 3ra ospatuko da. Hamaikagarren ekitaldi honetan, EEBBetatik, Frantziatik, Alemaniatik eta Euskaditik etorritako organistek jardungo dabe. Organu-jole ospetsuak batzuk, esate baterako David Briggs britainiarra eta gorantz datozan beste batzuk, esate baterako, Virgile Monin eta Mar Vaque. Jaialdian lau kontzertu ospatuko dira eta, lehenengoa, Begoñako basilikan, 20:00etan. 

Aurreko kurtsoan, Alkarren Barri - Comunicación aldizkarian Bizkaiko eleizetako puntarengo organoen ingurukoak jaso ebazan. Gaur, Komunikazinorako Eleizbarrutiko sailak 'altxor' onenen bilduma egin dau.