2019an jaio zan dokuMentala erreferentzia bihurtu da zinema kontzientzia soziala sortzeko tresna izan daitekela sinisten dabenentzat.
Seigarren edizino honetan, Argia Fundazioak alkar laguntzeak bizitzak zelan eraldatu leikezan islatzen daben istorioak kontatzera konbidatzen gaitu. Funtsezkoak dira familia-loturak, komunidade-sareak edo ahulezian dagozan kolektiboetako esperientziak, baita animaliekiko harremanak edo kirolaren eta lanaren esparrukoak be.
Jaialdiak hiru kategoria dauz: film labur orokorra, promesa (zinemagile gazteentzat) eta gizarte erakundeak. Sariak 3.500 eurokoak izango dira eta, aurreko edizinoetan lez, ekitaldia Bizkaian egingo dan gala bategaz amaituko da.
“Pertsonen ahalmenean eta historien indarrean sinisten dogu. dokuMentala babesak eraldatu egiten dauela erakusteko bozgorailu bat da” , nabarmendu dau Argia Fundazioak.
Lanek 2 eta 15 minutu arteko iraupena izan behar dabe, eta euskeraz edo gaztelaniaz aurkeztu ahal izango dira, ikus-entzunezko edozein formatutan (fikzinoa, dokumentala, animazinoa…).
Harpidetzak hemen
Argia Fundazioa
Argia Fundazioa irabazi-asmorik bako erakundea da, 1988an Algortako Aita Trinitarioek sortua eta Bilboko Elizbarrutiak patronatuan parte hartzen dauena. Arazo mental larria daben pertsonei eta hareen ingurune afektiboari laguntzen deutse.
