Bederatziurrena ohiko eguneko mezatan ospatzen da goizeko 11etan eta arratsaldeko zazpiretan. Domeketan eta jai egunetan 10etan, 12etan, 13etan eta 19etan. Hilaren 15ean 15 meza ospatuko dira guztira. Goiztiarrena goizeko lauretan.
Barritasun bat: egunsentiko errosarioa
Aurton, Ignacio Fernandez, parrokoak adierazoten dauanez, barritasun bat egongo da:”goizeko 8etako meza ostean, prozesinoan urtengo da eleizatik egunsentiko errosarioa errezatzera, Begoñako Anaidiko kideak lagunduta”. Ohikoa danez, egun handian, ehundazak izango dira Begoñara Bizkaiko leku askotatik joango diran sinisdunak. Meza nagusia, gotzaina buru dala, 12etan ospatuko da.
Amatxuren soinekoak
Sasoi honetan arropa zuria jazten jako. Gorriz, Mendekostez eta urdinez, Sortzez Garbian. Askorentzat baina, benetako soinekoa jatorrizko irudiak brez daroana da.
Koroen historia
Irudiek daukiezan koroak be euren aparteko historia daukie. Amabirjinarena Maria Agirrek emonikoa da, sinisdun sutsua. Umearena, herriak ordaindutako diruagaz egin zan.
Bederatziurrena, fedea eta tradizinoa buztartuta Bizkaiko zaindariaren inguruan.
