Bilbotar gizarteak indarkeria matxistaren aurkako gaitzespena agertu dau beste behin be jentaurrean. Hainbat lagunek gai honen inguruko txatalak irakurri dabez Emakumeen aurkako Indarkeria Desagerrarazoteko Nazinoarteko Egunean, Azkuna Zentroan ospatu dan ekitaldian.
Ekitaldiari hasiera emoteko, partaide guztien argazkia atara dabe.
Juan Mari Aburto Bilboko alkateak hitz egin dau lehenengo, EUDEL Euskal Udalen Alkartearen adierazpena irakurriz.
Bilboko eta Bizkaiko hainbat arlotako ordezkarien irakurri dabez pasarteak, esate baterako; Itziar Urtasun Bardintasunerako zinegotziak, hainbat alderditako ziengotziek, Emakumeak Bardintasunaren alde Udal Batzordeko kideek, Immigrazinorako Udal Batzordeko kideek, Ume eta Gazteentzako Udal Batzordeko kideek, Aniztasun Erlijiosoaren Partaidetzarako Mahaiak, dendarien alkarteko kideek, Bizkaiko Batzar Nagusietako ordezkariek, Osakidetzako kideek, Psikologiarako Bizkaiko Kolegio Ofizialaeko kideek, Bilboko Eleizbarrutiko ordezkariek eta Sareen Sareko alkarteetako -Fekoor, Avifes, Bizitegi, Margotu, Nevipen, Gizakia, Sin Romi, Euskal Gorrak, Bagabiltza- kideek, besteak beste.
Garazi Lopez de Armentia, Olaia Valle eta Ane Zapirainen dantza-taldeak eta Carla Sevillaren musikak girotu dabe ekitaldia eta Maria Urcelayk bakarrizketa eskaini dau. Ikuskizunok gaurkotasun-barriei lotuta egon dira eta gogoeta eta ekintzarako dei bihurtu dabez.
Eleizbarrutiko ordezkaritza
Dorleta Alberdik parte hartu dau Bilboko Eleizbarrutiaren izenean, eta indarkeria matxistaren ustezko azken biktima, 15 urteko neskatoa, gogora ekarri dau. “Barruko minagaz. Beste bakar bat bez!” adierazo dau. Bere alde eta biktima guztien alde, otoitz egiten dogu.
Injustizien aurka konprometitutako alkartean amesten dogu. Lagun egin, babestu eta autokritika egiten dauan alkarte eraldatzailean. Akonpainamentu integrala emon eta gizarteko beste erakunde batzukaz alkar hartzen dauana. Beti be, berezitasun bategaz: maitasuna.
Hasarratzea ez dalako nahiko
Bizkaiko Eleizan begiratu, entzun, lagun egin eta salatu egin gura doguz emakumeen aurkako indarkeria eta zapalketazko egoerak.
Atzo 15 urteko neskatila bat Alacanten. Barruko minagaz. Beste bakar bat bez!
Bilboko Elizbarrutia 2024-11-25
