Rafa Saez eleizbarrutiko abadeak proposatu eta sustatu eban laugarren aldiz egingo dan Etxebarriko Kurutze-bidea, parrokiako taldeen eta eleiztarren artean (katekistak, jaunartzeko umeen aita eta amak, mezetara doazanak, sendotzako taldea…) alkarte-sena sendotzeko. Parrokiako kideen esanetan, “holan hasi ginan alkar ezagutzen. Gainera, Garizuma-aldian alkarteari otoitz egiteko aukera sortzea be helburutzat hartu zan”.
Nekaldi biziduna Barakaldon
Egun beran, barikuz, arratsaldeko bostetan, egoitzan dagozanek, senideek eta herritarrek oso gustuko daben jarduera ospatuko da Barakaldoko Miranda Fundazinoko lorategietan: Nekaldi bizidunaren antzezpena, 200 boluntario ingururen parte-hartzeagaz.
