Asteburuan amaituko da Bizkaibira. Zapatu eta domekako jardueren bidez emongo jako amaiera 19 egunez, adiskidetasuna, alkartzea eta espiritualtasuna landuz eta naturaz gozatuz, elizbarrutiko zazpi bikaritzak zeharkatzen diharduan ibilaldiari. Domekan burutuko da 19. etapa, azkena, eta jarduerari amaiera emongo jako gotzaina buru dala katedralean ospatuko dan Eukaristiagaz (zuzenean emongo da web honen bidez). Bezperan, erromeria ospatuko da salestarrek Gurutzetan daben ikastetxean, 19:00etatik aurrera, "Zuluband" taldearen eskutik.
Ainhoa Zuluetak eta Luis Zuluetak osotzen dabe zapatu arratsaldez salestarrek Gurutzetan daben ikastetxean ospatuko dan erromeria girotuko dauan “Zuluband” taldea. Euren kantuakaz dantzan eta kantuan jarriko dabez bertaratutako guztiak.
Zatoze erromeriara!
