Bizkaiko Eleizaren Historia Artxiboan dago gordeta fedea eta berezitasun kulturala batzen dituan partitura bitxi hau.
Partitura hau, 1900eko irailaren 8an gertatu zan Ama Birjinaren koroatzerako idatzitako ereserkia da. Jose Solis abadea (letra) eta Manuel Villar (musika) dira bertsino bien egileak. Baina ezustean, letra itzultzeaz gainera, musikari dagokionez be guztiz desbardinak diran lanak egin ebezan.
Berezitasun honen eraginez, partitura hau agiri zoragarria da. Ez da hizkuntza-egokitzapen hutsa, egiletza eta asmo bera daben sorkuntza bereizi bi dira.
Agiria artxiboan dago
Artxiboan gordetako partitura ez da nota batzuk jasoten dituan paper hutsa. Bizkaian bizirik eta sustraituta dagoan jaieraren ikur da.
Gaur, lurraldeko zaindariaren egunez, bizkaitarrek Amatxuri deutsen jaiera ikusiko da, kalean jaia beste era batera ospatzen bada be.
Parrokoaren deia
Ignacio Fernandez errektore eta Begoñako basilikako parrokoak dei egin dau egunean zehar ospatuko diran eleizkizunetan eta erromerian parte hartzeko.
Erdu Begoñako basilikara, urriaren 11an!_Invitación a participar de los actos del 10 y 11 de octubre con motivo del Día de la Amatxu de Begoña. #begoña #basilica #amatxudebegoña pic.twitter.com/PbcKtnInI6
— Diócesis Bilbao (@DiocesisBilbao) October 7, 2025
