1325eko azaroaren 3an, Maria Diaz de Harok kostaldeko herribilduari foruak emon eutsazan Paredes de Navan, “con el objetivo de potenciar el comercio y actividades vinculadas al sector marítimo, como el transporte y la construcción de naves. A partir de ese momento, la historia del municipio y sus habitantes cambió de rumbo”.
Lekeitio 700 taldea da urteurrena ospatzeko egitaraua koordinatzeaz arduratzen dana. Gehiago jakiteko: hemen.
75. urteurreneko erakusketa ibiltaria Lekeition da
“Oroitu, bizi, amestu” erakusketak 75 urteotan eleizbarrutiaren historian izan diran gertaera gogoangarrietako batzuk jasoten ditu. Atzoko egunez -ekainak 19, eguena- zabaldu zan, Bermeoko frantziskotarren etxean egon ondoren, Lekeitioko parrokian eta ekainaren 24ra arte egongo da ikusgai. Eleizbarrutiaren 75 urteko historiaren ingurukoak agertzen dabezan 9 panelez osotuta dago eta badau 10. panel bat be, zuriz, “Etorkizunari begira” goiburuagaz, bisitariek euren ametsak idatzi daiezan.
Egunotan Lekeition dagozan panel horreek QR kodeak be badabez. Kode honeek eleizbarrutiaren historiaren inguruko multimedia materialetara garoez, hain zuzen be 75. urteurrenari buruzko webgunean dagoan denporaren lerrora.
Erakusketa hau “Goazen!” kurtso hasierako ekitaldian aurkeztu zan, irailean eta harrezkero eleizbarrutiko lurraldea zeharkatzen dihardu.
