“On egiten deutse guztiei” goiburuaren haritik ospatuko da Bidezko Merkataritzaren Munduko Eguna. Gaur -eguena- arratsaldez, 17:00etatik 20:00etara, Bilboko Indautxu plazan, azoka egingo da Bidezko Merkataritzako produktuak saltzeko. Munduko jokoak eta “Ahaldundutako emakumeak. Bidezko Merkataritzako emakumeak” erakusketa be ikusgai izango dira.
Kidendatik azaldu dabenez, zera agertu gura dabe: “kontsumitzen doguzan erropa, kafe edo norbere burua zaintzeko produktuen azpian, lan-baldintza eskasak, umeen esplotazinoa eta basoen suntsiketa” dagozala.
Bidezko Merkataritza
Egun honetan, Bidezko Merkataritzako erakundeek ohiko produktuen -erropak, kafea, norbere burua zaintzeko produktuak- ekoizpenaren azpian, salatu beharreko hainbat gauza dago: abusuzko lan-baldintzak, prezio oso txarrak, umeen esplotazinoa edo lurra hondazea. Hori dala-eta, Bidezko Merkataritzako produktuek giza eskubideak bermatu eta ingurumena errespetatzen dabela gogoratzen deutse kontsumitzaileei.
Kidendatik dei egiten dabe kanpaina hau gizarte sareetan zabaldu, #OnEgitenDeutseGuztiei eta aukera honi buruz gehiago jakin daigun web alkarreragilearen bidez: www.lesientabienatodoelmundo.org
