Bihar -uztailak 5, zapatua- batzar ekumenikoa ospatuko da kristauen batasunaren alde otoitz egiteko, Eleiza Ebanjeliko Espainiarraren egoitzan, 18:00etan, eta gura daben guztiek parte hartu ahal izango dabe. Otoitzaldi honetan buru izango dira Juan Muela artzaina, Lidia Rodriguez Alkarte Kristau Ebanjelikoko Santutxuko artzaina, Carlos Lopez Gotzain Eleiza Erreformatuko gotzaina, Acel Dodszuweit artzain luteranoa eta On Joseba Segura Bilboko eleizbarrutiko gotzaina.
Leon XIV.a Aita Santuak kristauen batasunaren alde lan egiteko nahia adierazo barri dau. Miguel Angel Esnaola Ekumenismorako eleizbarrutiko ordezkariak azaldu dauanez, “gure eleizbarrutian fedearen funtsezko alderdi honen garrantzia nabarmentzen daben ekitaldi ekumenikoen barruan dago honako hau be. Besteakaz bat egitean, mesfidantzaren hesiak gainditu egiten doguz, hartu-emona eta baterako otoitza ahalbidetuz”.
Azkenean, kopau bat hartuko dabe alkarregaz
