Atzo Algortan ospatu eben ekitaldian, “zuhaitzaren” ideia landu eben, familiak, batzuetan, “aterpe barik” sentitzen dirala gogoratuz: “gure sustraiak luzatu egin gura doguz, alkartuta sentitzeko eta basoa osotzeko, familia izatea errazago izan daiten, geuri buruz, eta ez neuri buruz, hitz egin daigun”.
Hainbat joko eta ‘esker onaren zuhaitza’ jardunbidea burutu eben, bertan esker oneko frutuak jarriz: “sustraiak be nabarmendu doguz, hau da, gure euskarriak, gure indarraren iturriak, familia izateko eta familia lez bizitzeko ezinbesteko doguzanak”.
Eukaristia ospatu eben Javi Garai eta Iñaki Loinaz buru zirala eta, ostean, kopau bat hartu eben.
Itxaropen-haziak
Antolatzaileek adierazo dabenez, “datorren kurtsoan sasoiz antolatu gurako geunke, umeentzako jarduerei helduentzako jarduera gehiago gehituz eta helduen arteko hartu-emonerako eremua sortuz. Esker ona adierazo gura deutsegu laguntzera etorri diran katekistei eta Joanen ebanjelioa gogoan, familiei banatu deutseguzan hazietan, itxaropen-hazietan gure itxaropena jarrita amaitu dogu”.
