On Joseba Segura gotzainak adierazo dauanez, Leon XIV.a aita santuak lan nekeza izango dau, Afrika, Hego Amerika edo Europa lako errealitate hain desbardinak dituan Eleizaren batasunari eusten ahalegindu beharko dau-eta, ahots “moral eta etikoa” izateari uko egin barik.
Aitasantutza, bakearen arrastotik
Aita Santuak bere ustez aitasantutza-aldi honetan garrantzitsu izango diran ardatzak nabarmendu ditu: bakea, desarmea eta bategitearen kultura. “Desarmea” behin eta barriro aitatu izanaren eta “zubiak eraikitzeko preminaren” aitamenaren garrantzia nabarmendu dau gotzainak.
Segurak Leon XIV.aren ikuspuntuaren eta Frantzisko aurreko aita santuaren arteko parekotasunak azaldu ditu, itxura baten “estilo nasai eta patxadatsuagoa” dauala esanez. Ezagutzen dauan hainbatek adierazo deutsanez, “gaitasun handia dau adostasunetara heltzeko”.
Beste eretxi batzuk
Kerman Lopez Bilboko eleizbarrutiko bikario nagusiak, ‘Egun on Bizkaia’ irratsaioan, Robert Prevost kardinalak Leon XIII.a gogoratuz aukeratu dauan izenaren garrantzia nabarmendu dau: «Hoy también vivimos un cambio de época y este nombre nos habla de compromiso social y atención a los retos contemporáneos, como la inteligencia artificial», ha señalado.
Kerman López: «León XIV inicia un pontificado de paz y compromiso social» https://t.co/lEgBfTCfT7 a través de @RadioPopular
— Bilboko Elizbarrutia (@DiocesisBilbao) May 9, 2025
Juan Luis de León Deustuko Unibertsitaeko Teologia-fakultateko irakasleak aita santua ezagutu eban, berau Trujillon egon zanean ikasketa-buru zalako hando Seminarioan. Bere esanetan, “benetan gizon oso irekia zan eta gizarte gaiek biziki arduratzen eben”.
