Suizidioaren Nazinoarteko Eguna izanda, On Joseba Segura gotzainak gai honen inguruan be jardun dau alkarrizketan. Arduratuta agertu da eta baita atsekabetuta be, gazteen artean somatzen dan “joera” kezkagarria dala-eta, gero eta suizidio gehiago dagoalako, hain zuzen be, “bakardadea gero eta hedatuago dagoalako eta jenteak ez deutsalako bizitzari zentzunik aurkitzen”. Honen haritik azaldu dauanez, “gazteek egundoko presinoa jasaten dabe, batez be gorputzari dagokionez, gorputza idealizatu egiten dabelako eta gorputz ederra amestu”.
🙇♂️ Soledad y salud mental
— Radio Popular – Herri Irratia (@RadioPopular) September 10, 2024
🗣️ Joseba Segura: “Hay una crisis en el algunos ambientes de soledad que genera mucha dificultad para vivir con alegría y con paz”#EgunOnBizkaia @DiocesisBilbao pic.twitter.com/4E2qigSBRU
Genero-nortasuna
Gotzainak luze eta zabal jardun dau joan dan abuztuaren 15eko homilian be jorratu eban kontu honetan, ondorengoa nabarmenduz: “bere gorputzagaz bat ez datorren genero-nortasuna dabela sentitzen dabenen esperientziaren aurka nagoala pentsatu eban batek baino gehiagok”, edo “hori kudeatzea edo onartzea gatx egiten jaken” senideen aurka nagoala. Halanda be, familia horreen esperientzia gertutik ezagutzen dauala argitu gura izan dau eta adin txikiko transexualen familiak batzen dituan Naizen alkarteko kideakaz egoteko aukera be izan dauala. Gotzainaren esanetan, “hainbat gauzatan bat gatozala ikusi dogula uste dot”.
On Joseba Segura gotzainak abuztuan esandakoetan sakondu dau: “Nire ustez, egiatik gitxi dauka gorputzak ez dauala ezer esatekorik eta bakotxak gura dauana askatasun osoz aukeratu leikela sinistera garoazan ideiak; beste kontu bat da gorputzak generoa zer dan zehaztea”. Azaldu dauanez, “hemen be dogmak dagoz, etiketak jarten deutsuez”, izan be gauzak ez dira zuri edo baltz eta “lagun bakotxak bere prozesua bizi dau”.
👬Autodeterminación de género
— Radio Popular – Herri Irratia (@RadioPopular) September 10, 2024
🗣️ Joseba Segura profundiza en sus declaraciones de la homilía del pasado 15 de agosto#EgunOnBizkaia @DiocesisBilbao pic.twitter.com/dKXRd0Xovu
Migrazinoa
Gotzainaren ustez, gai hau “europar politikan lehentasun handiena daben gaietako bat da” eta “abegi egitea eta eztabaida honetan lasaitasun apur bat jartea” da Eleizaren ardura.
Gotzainak adierazo dauanez, migrazinoa osagai “guztiz garrantzitsua” da euskal gizartearen eraketan, eta migrazinoaren eragina nabarmena da Eleizan be, gero eta gehiago dira-eta sinistedun etorkinak.
75. urteurrena eta etorkizuna
Gotzainak Bilboko Eleizbarrutiaren 75. urteurrena ospatzeko egingo diran ekitaldiak aitatu ditu. Besteak beste, pastoral ekiturtearen hasiera aitatu dau, ‘Goazen!’ kurtsoaren hasierako ekitaldi nagusia irailaren 28an izango dala gogoratuz.
Maiatzean ospatuko dan Eleizbarrutiko erakundeen ‘azoka’ be azpimarratu dau. Bertan, hainbat erakunderen egitekoak agertuko dira, esate baterako “bitarteko urriakaz egundoko lana” egiten dauan Lagungo familien akonpainamendu psikologikorako erakundearena. Udan ospatuko dan beste jarduera bat be aitatu dau: BizkaiBira, 19 etapa oinez Eleizbarrutiko bikaritzak ezagutzeko.
Bizkaiko Eleizaren gaurko egoera dala-eta, “alperrik da noizbait izan ginana etsipenez gogoratzea, hori ez da-eta bueltatuko”, gogoeta egitea eta egoera barrietara “eten barik” egokitzea da dagokiguna.
🎉 La @DiocesisBilbao celebra su 75 aniversario
— Radio Popular – Herri Irratia (@RadioPopular) September 10, 2024
🗣️ Joseba Segura: “Quisiera destacar dos actos, una feria en el mes de mayo y BizkaiBira que vamos a realizarlo entre julio y agosto” #EgunOnBizkaia @DiocesisBilbao pic.twitter.com/CgP6igtBbM
