Udan, Fatiman ospatuko dan Gazteen Munduko Eguna (GME) kontuan hartuta aukeratu da aurtengo bokazino jardunaldirako goiburua: “Bideari lotu. Ez gehiago itxaron”. Bokazino Pastoraltzarako Zerbitzuak eta OMP erakundeak batera jardun dabe jardunaldi biak prestatzeko. Bilboko Eleizbarrutian, batzorde antolatzailea osatu da, honako honeek tarean diralarik: Diakonotzarako Batzordea, Eleizbarrutiko Seminarioa. Laikotzarako Idazkaritza, Fede-zabalkunde eta Katekesirako Ordezkaritza, Misinoetarako Ordezkaritza eta OMP eta Eleizbarrutiko Teologia eta Pastoraltza Institutua (ETPI).
Hiru jarduera antolatu dira gura daben guztientzat:
Berbaldia: “Bokazino pastoraltzaren erronka eta aukerak”, Carlos Gomez-VIrsedaren eskutik, bihar -apirilak 25, martitzena-, 19:00etatik 20:30etara, Begoñako Gogarte Etxeko areto nagusian.
Bokazino esperientzia/lekukotasunen mahaia. Apirilaren 27an, eguena, 19:00etatik 20:30etara, Begoñako Gogarte Etxeko areto nagusian.
Bokazinoen aldeko otoitzaldia. Apirilaren 30ean, domekaz, 18:00etatik 19:00etara, Eleizbarrutiko Seminarioko kaperan.
Biharko berbaldiaren aurretik, tailerra egingo da, gazteen pastoraltzako arduradunentzat, Eleizbarrutiko ikastetxeetako pastoral arduradunentzat, erlejinoko irakasleentzat, Kristau Eskolakoentzat eta pastoral moderatzaileentzat, Carlos Gomez-Virsedak gidatuta, 15:00etatik 17:00etara, Barria eraikinean (Plaza Barria, 4). Ezinbestekoa da aurretik izena emotea: pastoralvocacional@bizkeliza.org
