BAM Irakasleen Unibertsitate Eskolako ikasleek, hain zuzen be Gaitasun Akademikoaren Eleiz Adierazpena (DECA) kurtsoan egiten diharduenek, gotzainagaz lasai hitz egiteko aukera izan dabe. Lehenengo aldiz burutu da Eskolan honako ekimen bat. Belen Rodero pastoral arduradunak nabarmendu dauanez, ikasleek eskertu egin dabe gotzinaren zinzoasuna, “hainbat gaitan euren desadostasun eta kritikak adierazo badeutsez be”.
Gotzainak bere bokazinoaz hitz egin deutse, Aita Santuagaz izan dituan topaketez, Eleizak ahulezian dagozan pertsonei lagun egiteko egiten diharduan lanaz edo etorkinek parrokietan daben partaidetzaz. Homosexualitateari, sexu bereko pertsonen bategiteari, abortuari edo Eleizako sexu gehiegikeriei buruzko galderak be egin deutsez.
Belenen esanetan, “gehienek ez dabe inoiz gotzainik ezagutu eta ez dabe gotzain bategaz solasean jardun”, horregaitik, bere ustez, “aukera ona izan da” alkarrizketan jarduteko eta alkar entzuteko.
