23-05-2024 Jesucristo, sumo y eterno Sacerdote
Bizkeliza 5 Lehenengo Orrialdea 5 Durangoko Nekaldi Bizidunaren hiru emonaldi izango dira
20.03.2024

Durangoko Nekaldi Bizidunaren hiru emonaldi izango dira

Datorren astean, martxoaren 27, 28 eta 29an, Durangoko Nekaldi Biziduna antzeztuko da, aurton 29. ekitaldia beteko dalarik. Emonaldietara joan gura dauanak -egunean 280 lagun- jardueraren orrialde ofizialean, www.durangokopasinoa.com, eskuratu leikez sarrerak 6 euroren truke edo bestela El Arco tabernan edo 663 40 25 25 telefonora deituz. 

“Durangoko Pasiñoa” 1993an sortu zan, “Nekaldia” antzezteko ohitura hau, 1960 eta 1965 bitartean egiten zana, berreskuratzeko asmoa erakutsi eben Durangoko bizilagun batzuen eskutik

Urtez urte, ikuskizun erlijioso honen ekoizpen eta zuzendaritzaz arduratzen dan 120 boluntario ingururen ahalegin eta ardurari esker irauten dau emonaldiak herriko ekitaldien egutegiaren barruan. Aurkezpenean, Marcos Echarte Nekaldiaren zuzendariak esker ona adierazo eutsen parte hartzera animatu eta, beste behin be, ikuskizuna ataraten lagundu daben guztiei. Eskerrak emon eutsezan, gainera, udalari eta Juan de Iciar kultur alkarteari ikuskizun honen alde egiteagaitik. 

Elenco de una edición anterior.